சிவராத்திரியன்று நீங்கள் மந்திரிலோ அல்லது வேறு எங்கோ அமர்ந்திருந்தாலும், உங்கள் சிந்தனைகள் இறைவன் மீது நிலைபெற்று இருந்தால், நீங்கள்தான் உண்மையான பக்தர், மேலும் இறையருளுக்கும் பாத்திரமாகலாம். அச்சமயத்தில் ஒருவேளை தூக்கம் வருவது போலிருந்தால் தூங்கிவிடுங்கள். ஆனால் அந்த தூக்கத்தில் கூட, பகவத் சிந்தனையில் நிலைகொண்டிருங்கள். இறைவனிடம் உங்களுக்கு இருக்கும் ப்ரேமையினாலும் பக்தியினாலும் அல்லவா சிவராத்திரியில் பங்கேற்பதற்கு நீங்கள் இவ்வளவு தூரம் பயணித்து பிரசாந்தி நிலையத்திற்கு வந்துள்ளீர்கள்? உங்களுடைய பக்தி எனக்குப் புரிகிறது. ஒரு உண்மையான பக்தனுக்கு எந்த சௌகரியமும் தேவையில்லை. அவன் எந்த அனுகூலத்தையும் வேண்டுவதில்லை. நீங்கள் எங்கு சென்றாலும், உங்களுடைய மனதைக் கட்டுக்குள் வைத்துக்கொண்டு, உங்களுடைய சிந்தனைகளை எல்லாம் இறைவன்பால் செலுத்துங்கள். அதுவே உண்மையான பக்தி. உங்களுடைய கவனத்தை உடல் ரீதியான சௌகரியங்களின் பக்கம் திருப்பாதீர்கள். பஞ்சாட்சர மந்திரமான “ஓம் நமசிவாய” என்பதை எப்போதும் உச்சரியுங்கள். உதட்டளவில் மட்டுமே நீங்கள் உச்சரித்தால் அது உலகத்தின் ஓசைகளோடு கலந்துவிடும். மாறாக, மனப்பூர்வமாக இறைநாமத்தை உச்சரித்தால், அது எல்லா இடத்திலும் வியாபித்து விடும். முழுமனதுடன் இறைநாமத்தை உச்சரிப்பதுதான் உண்மையான சாதனையாகும். (தெய்வீக அருளுரை, பிப்ரவரி 19, 2004)