வாழ்க்கைத்துணை, சந்ததி, செல்வங்கள் ஆகியவற்றுக்கான மூன்று ஆசைத்துடிப்புகள் வேரொடு அழிக்கப்பட்ட துறவு நிலையை மனம் அடையப்பெறுவதென்பது சித்தசுத்தி இன்றி மிகவும் கடினம். பலன் மீது ஆசையின்றி ஆற்றப்படும் பணி, பொற்கொல்லனின் உலையில் உருக்கப்படும் தங்கத்தைப் போல, மன அழுக்குகளை நீக்கி சித்தசுத்தியை அளிக்கிறது. அப்படிப்பட்ட நிர்மலமான சித்தமே ஞானம்; அதுவே நிவ்ருத்தி மார்க்கம். கர்மத்தை அனுசரிக்கும்போது எந்த கோரிக்கையும் இன்றி இருந்தால், எந்த தோஷமும் உங்களை அண்டாது. அழுக்கான நீரில் போடப்படும் ‘சில்லகிஞ்சி’ அதாவது தேற்றான்கொட்டைகள், நீரைத் தூய்மைப்படுத்துவதுடன் அதிலுள்ள அழுக்கைப் பிரித்து அடியில் கொண்டு சேர்க்கும் சக்தியுடையது; பின்னர் அந்த விதைகளும் கூட அடியில் சென்று கண்ணுக்குத் தெரியாமல் போய்விடுகின்றன! அதேபோல, பற்றுதலின்றி கர்மா செய்யும் திறன் படைத்தவர்களுடைய சித்தமும் பரிசுத்தமடைவதோடு அவர்களுடைய கர்ம பலன்களும் தம் சக்தியை இழந்து, அடியோடு மறையும். (உபநிஷத் வாஹினி, அத்தியாயம்-2)