இதயத்தூய்மை உள்ளவர்கள் எப்போதும் வெற்றி பெறுவார்கள். எந்த வேலையாக இருந்தாலும் மனசாட்சிக்குக் கட்டுப்பட்டு செய்யுங்கள். மனத்தூய்மையை வளர்த்துக் கொள்ளுங்கள். அந்த மனத்தூய்மையுடன் பணியை மேற்கொண்டு, அதன் பிறகு இறைவனிடம் பிரார்த்தனை செய்தால் நிச்சயம் உங்களுக்குப் பலன் கிடைக்கும். ‘மமைவாம்ஸோ ஜீவ-லோகே ஜீவ பூதஹ் சனாதனஹ’ அதாவது இந்த ஜட உலகில் உள்ள அனைத்து உயிரினங்களும் பரமாத்மாவாகிய என்னுடைய அம்சங்களே, என்று கீதை கூறுகிறது. நீங்கள் அனைவரும் என்னுடைய தெய்வீகத்தின் அம்சங்களே. எனவே, நீங்கள் அனைவரும் என்னைப் பின்பற்ற வேண்டும். என்னுடைய ப்ரேமை தெய்வீகமானது, புனிதமானது. உங்களுடைய ப்ரேமையும் அப்படியே இருக்க வேண்டும். நீங்கள் இந்த தத்துவத்தைப் பின்பற்றினால், நீங்கள் தானாகவே தூய்மை அடைவீர்கள். எங்கே தூய்மை இருக்கிறதோ, அங்கே தெய்வீகம் இருக்கிறது. எல்லாம் பிரதிபலிப்பு, எதிர்வினை மற்றும் எதிரொலியே. பண்டைய காலந்தொட்டே நீங்கள் அனைவரும் என்னுடைய அம்சங்களே. இந்த சத்தியத்தை ஒருபோதும் மறவாதீர்கள்! நீங்கள் மட்டும் இந்த சத்தியத்தில் நம்பிக்கையை வளர்த்துக் கொண்டு விட்டால், அது பகவத் கீதையை முழுவதுமாகப் படித்ததற்கு சமமாகும். (தெய்வீக அருளுரை, நவம்பர் 13, 2007)