ஒரு முள்ளை மற்றொரு முள்ளினால் மட்டுமே எடுக்க முடிவதைப் போல, கர்மாவின் விளைவுகளை கர்மாவின் மூலம் மட்டுமே அழிக்க முடியும்! நீங்கள் செய்த பாவ கர்மாவால் தற்போது நீங்கள் அனுபவிக்கும் துன்பத்தைத் தணிக்க நல்ல கர்மாவைச் செய்யுங்கள். இறைநாமஸ்மரணையே மிகச் சிறந்த எளிமையான கர்மாவாகும்; எப்போதும் அதில் ஈடுபட்டு இருங்கள். அது தீய உந்துதல்களையும், கொடிய சிந்தனைகளையும் உங்களிடமிருந்து விலக்கி வைக்கும். அது உங்களைச் சுற்றி ப்ரேமையைப் பரப்புவதற்கு உதவும். பண்டைய மஹரிஷிகள் பலன்களை எதிர்பார்த்துச் செய்யப்படுவதை விகர்மா என்றும், பலன்களை எதிர்பாராது செய்யப்படுவதை அகர்மா என்றும் கர்மாவை இரண்டாகப் பிரித்தனர். அகர்மாவைப் பின்பற்றி, உங்களை நீங்களே துன்பத்திலிருந்து காத்துக் கொள்ளுங்கள். செல்வம், பெயர், புகழ் போன்றவற்றை ஈட்டும் மற்ற செயல்கள் எல்லாம் துன்பத்தில் தான் முடியும். உள்ளார்ந்த சாந்தி, சந்தோஷங்களை பெறுங்கள்; லாபக் கண்ணோட்டமின்றி நீங்கள் செயல்பட்டால் மட்டுமே இதைச் சாதிக்க முடியும். ஆற்றும் பணியே அதன் வெகுமதி என நாம் கருத வேண்டும்; அதற்கும் மேலாக, அந்தப் பணி உள்ளுறையும் இறைவனின் உந்துதலாக, அதன் பலனை இறைவனுக்கே அர்ப்பணிப்பதாக இருக்க வேண்டும். இந்த அணுகுமுறையை முறையாகக் கடைப்பிடியுங்கள்; அகத்திலும், புறத்திலும் பேரமைதி ஊற்றெடுப்பதை நீங்கள் உணர்வீர்கள். (தெய்வீக அருளுரை, மார்ச் 26, 1965)