ஆன்மிக சாதகர்கள் வீண் வாக்குவாதங்களைக் குறைத்துக்கொள்ள வேண்டும்; ஏனெனில், இது ஒருவரின் போட்டி மனப்பான்மையை வளர்ப்பதோடு, ஆத்திரத்துடன் பதிலடி தருவதற்கும், பழியுணர்ச்சியுடன் சண்டையிடுவதற்கும் வழிவகுக்கிறது. உலகம் நம்மை மதிக்க வேண்டுமென போராடாதீர்கள். உலகம் உங்களையோ உங்கள் தகுதிகளையோ மதிக்காதபோது அவமானப்படவோ கோபப்படவோ வேண்டாம். ஆன்மிகத்தில் வெற்றி பெறவேண்டுமென விரும்பும் சாதகராக இருந்தால் முதன்முதலில் இதைக் கற்றுக்கொள்ளுங்கள். முகஸ்துதிக்கு மயங்கி விடாதீர்கள், இது அபாயகரமானது; இது உங்களை வழி தடுமாறச் செய்து, உங்களுடைய ஆன்மிக முன்னேற்றத்தையே பாதிக்கும். எனவே, உங்கள் மனப்பாங்கு மற்றும் பழக்கவழக்கங்களை நீங்கள் சீர்திருத்திக்கொள்ள வேண்டும். மற்றவர்களுக்கு ஒருபோதும் தீங்கிழைக்காத பழக்கத்தை வளர்த்துக் கொள்ளுங்கள். மற்றவர்களைப் புரிந்து கொள்ளுங்கள், அவர்களிடம் இரக்கம் கொண்டு, அவர்களுக்கு உதவிகரமாக இருப்பவற்றை செய்ய முயலுங்கள். அவமரியாதைகளையும் ஆட்சேபங்களையும் உங்களுக்கு வழங்கப்படும் ‘விருதுகள்’ என்று கருதுவதற்குப் பழகிக் கொள்ளுங்கள். மற்றவர்களின் இயல்பு அல்லது நடத்தை எவ்வாறாக இருந்தாலும் சரி, அனைவருடனும் அனுசரித்துச் செல்வதற்குப் பெரிதும் பாடுபடுங்கள். (தியான வாஹினி, அத்தியாயம்-14)