உங்களுக்கு உடல்நலக்குறைவு என்று நீங்களே கண்டறிந்து, துண்டுபிரசுரங்கள் மற்றும் விளம்பரங்களை நம்பி மருந்து மாத்திரைகளைத் தெரிவு செய்து பயன்படுத்தத் தொடங்காதீர்கள். உங்கள் உடலுக்கே உரிய பிரச்சனைகள் மற்றும் அவற்றை அணுகும் விதத்தை அறிந்த மருத்துவரின் ஆலோசனையைப் பெறுங்கள்; அவர் நோய் அறிந்து, அதற்கு அளிக்கும் பரிந்துரைகளை முழு நம்பிக்கையுடன் ஏற்றுக்கொள்ளுங்கள். அப்படிப்பட்ட ஒருவர் குரு என்று அழைக்கப்படுகிறார்; அவர் உங்களுடைய அறியாமை எனும் திரையை விலக்குவதற்கு உதவுவார். இந்தத் திரை நீக்கப்பட்டவுடன், இறைவனை எல்லா இடத்திலும் முழுமையாக உணர்ந்து அனுபவிக்க முடியும். இறைவன் வசிப்பதாக மனிதர்கள் சுட்டிக்காட்டிய ஆகாயத்திலோ வான்வெளியிலோ அவரைக் காண முடியவில்லையே என்று சாக்ரடீஸிடம் ஒருவர் சொன்னபோது, கண்களில் முப்பரிமாண லென்ஸ், அதாவது பக்தி, பகுத்தறிதல் மற்றும் பற்றின்மை ஆகியவற்றை அணிந்தால் மட்டுமே இறைவனைக் காண முடியும் என்று கூறினார். பிரஹலாதன் இவற்றை அணிந்திருந்ததால், இறைவன் தூணிலும், துரும்பிலும், எங்கும் இருப்பதைக் கண்டான். ஆனால் அவனுடைய தந்தையோ தனது கண்ணுக்கு இளக்காரமான சந்தேகம் எனும் கட்டைப் போட்டுக்கொண்டிருந்ததால் அவரால் இறைவனைக் காண முடியவில்லை. (தெய்வீக அருளுரை, அக்டோபர் 20, 1966)