சிக்ஷாவல்லியின் விக்ஞான சம்ஹிதை, குரு சிஷ்யனுக்கு இடையே உள்ள இணைப்பு, இந்த இணைப்பால் விளையும் கல்வி ஆகியவற்றைப் பற்றி விளக்குகிறது. உலகியலான கல்வியுடன், இதயத்தைப் பண்படுத்துவதன் மூலம் பெறப்படும் ஆத்யாத்மிக கல்வியையும் சேர்த்துப் பெறுவதன் முக்கியத்துவத்தை அது வலியுறுத்துகிறது. இந்த சம்ஹிதை ஒருவரது வாழ்க்கையில் நடந்துகொள்ளும் முறையைப் பற்றி சில அத்தியாவசியமான போதனைகளையும் வழங்குகிறது. எல்லையற்ற ஆசைகள் மற்றும் அர்த்தமற்ற ஏக்கங்களால் பீடிக்கப்பட்டுள்ள மனிதகுலத்திற்கு, சம்ஹிதையில் உள்ள புனிதக் கட்டளைகள் கலங்கரை விளக்கங்களாக ஒளிவிட்டுப் பிரகாசிக்கின்றன. சத்தியத்தைப் பேசு; தர்மத்தைக் கடைப்பிடி; அக்கறையுடன் அறிவை வளர்த்துக்கொள்; தீய செயல்களை செய்யாதிரு; உன்னதமான செயல்களைச் செய்; சமுதாயத்தில் ஒழுக்கமான வாழ்க்கையை நடத்துவதற்கு சமூகம் வகுத்துள்ள விதிமுறைகளை மிகுந்த கவனத்துடன் மதித்து நட; க்ருஹஸ்த தர்மப்படி உன்னால் இயன்ற அளவு தானதர்மங்கள் செய்; பெரியோர்களுக்குக் கீழ்ப்படிந்து பயபக்தியுடன் நடந்து கொள்; உன் கடமைகளிலும், உனது உற்றார் உறவினர், சக மனிதர்கள் ஆகியோருடனான உறவுகளிலும் மிகுந்த விழிப்புடன் செயல்படு ஆகியவையே இந்தக் கட்டளைகளாகும். (தெய்வீக அருளுரை, நவம்பர் 22, 1984)