புலன்கள் எந்தப் பணியையும் தாங்களே செய்ய இயலாதவை; அவை சுதந்திரமானவை அல்ல. மனதைக் கட்டுப்பாட்டுக்குள் கொண்டு வந்துவிட்டால், புலன்களையும் கட்டுப்படுத்த முடியும். சிலர் மனதைக் கட்டுப்படுத்தாமல், புலன்களை வெல்வதற்கு சில கடினமான நியமங்களை அனுசரிக்கிறார்கள். அவர்கள் உண்மையாகத் தேவைப்படும் கட்டுப்பாட்டைப் பற்றி அறிந்திருக்கவில்லை என்றே சொல்லலாம். உண்மையான கட்டுப்பாடு ஆசையை அழிப்பதே. கஜானாவின் காவலாளிகள் எவ்வளவு கவனமாக காவல் காத்தாலும், ஒரு கைதேர்ந்த கொள்ளைக்காரன் நூறு வழிகளில் ஆச்சரியத்தக்க வகையில் கொள்ளையடித்து விடுவான். அதைப்போல, நீங்கள் எவ்வளவுதான் திறமையாக புலன்களைக் கட்டுப்படுத்த முயன்றாலும், மனம், அவற்றைத் தன்வசம் இழுத்துக்கொண்டு, அதன் ஆசைகளை அவற்றின் மூலம் நிறைவேற்றிக்கொள்ளும்! விஸ்வாமித்ர மகரிஷி எவ்வளவோ தவம் புரிந்திருந்தாலும், அவரை சோதிக்க இந்திரன் அனுப்பிய தேவலோக அப்சரஸ்களின் கவர்ச்சியால் மனம் கலைந்து எப்படி வீழ்ச்சி அடைந்தார் என்பதை அறிவோம். வீட்டின் வெளிக்கதவை மட்டும் சாத்திவிட்டு, உள்தாழ்ப்பாளை போடவில்லை என்றால் தப்பாமல் அபாயம் ஏற்படும். ஆனால், உள் மற்றும் வெளிக்கதவுகள் இரண்டும் பாதுகாப்பாக பூட்டப்பட்டிருந்தால் நீங்கள் நிம்மதியாகத் தூங்க முடியும்; ஏனென்றால், எப்படிப்பட்ட திருடனாலும் எளிதாக உள்ளே நுழைந்து தீங்கிழைக்க முடியாது. (தியான வாஹினி, அத்தியாயம்-13)