நீங்கள் கடினமாக உழைத்து சம்பாதித்த பணம், பாதுகாப்பாகவும் பத்திரமாகவும் இருப்பதற்காக அதை ஒரு வங்கியில் சேமித்து வைக்கிறீர்கள். பணம் உங்களுக்குச் சொந்தமானது என்பதில் சந்தேகமில்லை, ஆனால், நீங்கள் கேட்கிறீர்களே என்பதற்காக வங்கி உங்களுக்குக் கொடுக்காது. வங்கியில் இருந்து பணம் எடுப்பதற்கு சில விதிமுறைகள் இருக்கின்றன. ஒரு காசோலையில் நீங்கள் கையெழுத்திட்டு, வங்கி மேலாளரிடம் அதைக் கொடுத்தால் மட்டுமே பணத்தை எடுக்க முடியும். அதேபோல், தெய்வீக வங்கி மேலாளரான இறைவனிடம் உங்களுடைய புண்ணியச் செயல்கள் எனும் ‘பணத்தை’ சேமித்து வைத்துள்ளீர்கள். தியாகமெனும் காசோலையில் ப்ரேமை எனும் கையெழுத்திட்டு அவனிடம் அர்ப்பணம் செய்யுங்கள். அதன் பிறகே, உங்கள் மீது அவனுடைய அருட்செல்வத்தைப் பொழிவான். இதுவே சாந்தியையும், பரிசுத்தத்தையும் அடைவதற்கான ராஜபாட்டை; இறுதியில் நிர்வாணமெனும் மோக்ஷ நிலைக்கும் இட்டுச் செல்கிறது. இறைவன் தியாகத்தின் திருவுருவமாகவும், பணம் உங்களுடையதாகவும் இருந்தாலும் கூட, அதைப் பெறுவதற்குத் தகுந்த வழிமுறை இருக்கிறது. இங்கு ‘பணம்’ என்பது ரூபாய் நோட்டுகளைக் குறிக்காது. இது அருள், ஞானம் மற்றும் தர்மம் எனும் 'பணமாகும்'. (தெய்வீக அருளுரை, மே 07, 2001)