தங்களுடைய மனதின் மீது கட்டுப்பாடு கொண்டவர்களை மட்டுமே மனிதர்கள் என அழைக்க முடியும். இவ்வுலகில் மெத்தப் படித்தவர்கள் பலர் இருக்கிறார்கள். பல துறைகளில் தேர்ச்சி பெற்று, மாபெரும் பணிகளில் ஈடுபட்டுள்ள பலரும் இருக்கிறார்கள். ஆனால் மனதின் மீது கட்டுப்பாடு இல்லை என்றால் அவர்களை மனிதர்கள் என்று அழைக்க முடியாது. எல்லாவிதமான நல்ல மற்றும் கெட்ட எண்ணங்கள் மனதில் தோன்றுகின்றன. கெட்டவை அனைத்திலிருந்தும் மனதை விலக்கி, நல்லதை மட்டுமே நீங்கள் ஏற்றுக் கொள்ள வேண்டும். கெட்டவை எதனுடனும் உங்கள் மனம் சேர்வதற்கு ஒருபோதும் அனுமதிக்காதீர்கள். மனதிற்கு நாம் மிகுந்த முக்கியத்துவத்தை அளிக்க வேண்டும். ஆனால் பலர் அதற்கு உரிய முக்கியத்துவம் கொடுப்பதில்லை. தன்னுடைய மனமே தனது வாழ்வின் ஆதாரம் எனக் கருதும் ஒருவனே உண்மையான மனிதனாவான். மனதை அது போகும் போக்கில் எல்லாம் திரிய விடுபவன் உண்மையில் ஒரு குரங்கே அன்றி மனிதனே அல்ல. நீங்கள் உங்கள் மனதை உங்களுடைய விழிப்புணர்வின் மையமாக ஆக்கிக் கொள்ள வேண்டும். (தெய்வீக அருளுரை, மே 06, 2007)