இன்று உங்களுக்கு நான் வழங்கும் அறிவுரை இதுதான்: உடலை நன்கு இயங்கும் நிலையில் வைத்திருப்பதற்காக, ஒரு நாளைக்கு மூன்று வேளை உணவளித்து உடலின் தேவைகளை நீங்கள் கவனித்துக்கொள்வது போல, உங்கள் அந்தராத்மாவை நல்ல நிலையில் வைத்திருப்பதற்கு தினமும் சிறிது நேரம் செலவிடுங்கள். காலையில் ஒரு மணி நேரமும், இரவில் ஒரு மணி நேரமும், பிரம்ம முகூர்த்தம் என்று அழைக்கப்படும் விடியற்காலையில் ஒரு மணி நேரமும், இறைநாம ஜபம் மற்றும் தியானத்தில் செலவிடுங்கள். இந்த ஆன்மிக சாதனையில் நீங்கள் முன்னேறும்போது, உங்களுக்குள் பெரும் சாந்தி நிலைகொள்வதையும், மகத்தான புதிய ஆற்றல்கள் உங்களுள் ஊற்றெடுப்பதையும் நீங்கள் காண்பீர்கள். சிறிது காலத்திற்குப் பிறகு, நீங்கள் எங்கிருந்தாலும், நீங்கள் எதைச் செய்துகொண்டிருந்தாலும், உங்கள் மனம் இறைவனின் திருநாமத்தையே நினைந்திருக்கும்; மேலும் சாந்தி, சந்தோஷங்கள் உங்களுடைய இணைபிரியாத தோழர்களாக இருக்கும்! (தெய்வீக அருளுரை, மார்ச் 25, 1958)