இறைவனைப் பற்றி ஒருபோதும் பேசாதவர்கள், அவனைப் பற்றிய எண்ணம் கூட இல்லாதவர்கள், உலகியலான (ஸம்ஸார) பந்தங்களைப் பெருக்கி வலுப்படுத்துவதில் மும்முரமாக இருப்பவர்கள், அசத்தியம், அநியாயம், அடக்குமுறை ஆகியவற்றை போதிப்பதற்கு தர்மத்தின் வழியை விட்டு விலகுமாறு உங்களுக்கு அறிவுறுத்துபவர்கள் - இப்படிப்பட்டவர்களை உங்களுடைய நண்பர்களாக கருதாமல், எப்பாடுபட்டாவது தவிர்க்கப்பட வேண்டியவர்களாகக் கருதுங்கள். அவர்களோடு இருப்பது தீயவர்களின் சகவாசமாகும். இப்படிப்பட்டவர்களோடு சகவாசம் வைத்துக்கொள்வது, உங்களுடைய விருப்பத்திற்கு மாறாக தவறான செயல்களைச் செய்யவும், பேசக்கூடாத வார்த்தைகளைப் பேசவும், செய்யக்கூடாத செயல்களைச் செய்யவும் வைத்து, அதன் விளைவாக அழிவுப் பாதையில் செல்ல நேர்ந்திடும். பாப பீதி இல்லாதவர்கள் எந்தக் கொடுமையையும் செய்ய முற்படுவதில் வல்லவர்கள்; இதில் ஆச்சரியம் ஏதுமில்லை. பாப பீதி, தெய்வ ப்ரீதி (பாவம் செய்ய அஞ்சுவது, தெய்வத்தை விரும்புவது) - இவ்விரண்டும் உடையவர்களே சத்சங்கம் என அழைக்கத்தக்கவர்கள். எளிதாகக் கிடைத்தாலும் கிடைக்காவிட்டாலும், அத்தகைய சத்சங்கத்தையே நாடிச் சேர்ந்திடுங்கள். (தியான வாஹினி, அத்தியாயம்-9)