மற்றவர்களின் தீயதைப் பற்றி ஒருபோதும் சிந்திக்காதீர்கள். உங்களால் முடிந்தால், அவர்களுக்கு நல்ல அறிவுரை கூறி அவர்களை நல்வழியில் திருப்ப எப்போதும் முயன்று கொண்டே இருங்கள். ஒருவர் சாந்தியையும், தயாள குணத்தையும், எல்லோருடைய நலனை பேணும் ஆர்வத்தையும் வளர்த்துக் கொள்ள வேண்டும். ஜப, தியானத்தின் மூலம்தான் இத்தகைய நற்பண்புகளை ஒருவர் பெற முடியும். ஜப, தியானத்தின் மூலம் கிடைக்கும் பலனே நற்பண்புகள் (ஸத்குணங்கள்) எனும் செல்வமாகும். இந்த நற்குணங்கள் வெளிப்புறத்தை தூய்மைப்படுத்துவதோடு, உள்ளுணர்வுகளையும் பரிசுத்தமாக்கி மேம்படுத்துகின்றன. அலைகள் கடலின் மேற்பகுதியில் உருவாகின்றன. வீசும் காற்றே இவற்றை உருவாக்குவதால், அலைகளை உருவாக்கும் சக்தி காற்றுக்கு உண்டு எனலாம். அதேபோல, புத்திசாலியான மனிதனின் மனம் பல சிந்தனைகளாலும், கருத்துக்களாலும் நிறைந்துள்ளது. அதற்கு ஏற்ற சூழ்நிலை அமையும்போது, அவை பொங்கிப் பெருக்கெடுத்து எல்லா பக்கமும் பரவுகின்றன. (தியான வாஹினி, அத்தியாயம்-9)