எல்லாவற்றிற்கும் மேலாக, அனைவரிடமும் ப்ரேமையை வளர்த்துக் கொள்ளுங்கள். அது பொறாமை, கோபம், வெறுப்பு ஆகியவற்றை அழித்துவிடும். ஆண்டவனும் (ராமனும்) ஆசையும் (காமனும்) ஒரே இதயத்தில் ஒன்றாக இருக்க முடியாது. நான் உங்களிடம் இவ்வளவு ப்ரேமையுடன் பேசிக் கொண்டிருக்கும் போது, உங்களால் என் மீது எந்த வெறுப்பையும் வளர்த்துக் கொள்ள முடியாது! ப்ரேமை உலகனைத்தையும் ஒரே குடும்பமாக ஆக்குகிறது. அது இணக்கத்தை உருவாக்குவதற்கான தலைசிறந்த கருவியாகும். விவசாயி, நாற்றை நட்டு அதை மிகுந்த அக்கறையுடன் கவனித்துக் கொள்கிறான். களைகளை அகற்றி, பூச்சிகளை அழித்து, தேவையான நேரத்தில் நீர் பாய்ச்சி, உரமிட்டு, அறுவடை செய்து தனது களஞ்சியத்தை நிறைத்துக் கொள்ளும் நாளுக்காகக் காத்திருக்கிறான். அதேபோல், நீங்களும் ப்ரேமையைப் போஷித்து வளர்த்து, வெறுப்பு மற்றும் பொறாமையின் களைகளை அகற்ற வேண்டும். சிவப்புநிறக் கண்ணாடியை அணிந்து கொள்ளுங்கள் - அனைத்தும் சிவப்பு நிறத்தில் தோன்றும். ப்ரேமை எனும் கண்ணாடியை அணிந்து கொள்ளுங்கள் - அனைவரும் அன்பானவர்களாகவும் நல்லவர்களாகவும் தோன்றுவார்கள்! (தெய்வீக அருளுரை, செப்டம்பர் 01, 1958)