நீங்கள் தியானம் செய்வதற்கு என் ரூபத்தை ஏற்காவிட்டால் நான் உங்கள் மீது கோபப்படுவேன் என்ற எண்ணத்தில் இருக்காதீர்கள்! எனக்கு அதைப் பற்றி கவலையே இல்லை; உங்களுக்குத் தேவையான ஊக்கத்தை அளிக்கும் திருநாமத்தையும், ரூபத்தையும் தேர்ந்தெடுக்க உங்களுக்கு முழு சுதந்திரம் உள்ளது. நீங்கள் தியானம் செய்யும்போது, ​​மனம் அடிக்கடி ஏதோ ஒன்றின் பின் ஓடி வேறு பாதையில் சென்று விடுகிறது. அவ்வாறு மனம் செல்லும் போக்கை நாம ரூபத்தைக் கொண்டு தடுத்து, இறைவனை நோக்கிய உங்கள் எண்ணங்களின் சீரான ஓட்டம் தடைபடாமல் பார்த்துக் கொள்ள வேண்டும்; இவ்வாறு மீண்டும் நடந்தால், நாம ரூபத்தை மறுபடியும் விரைவாகப் பயன்படுத்துங்கள். இந்தப் பக்கம் திருநாமம், அந்தப் பக்கம் ரூபம் என்ற இருகரைகளைக் கடந்து செல்ல மனதை அனுமதிக்காதீர்கள்! பின்னர் அது மூன்றாவது இடத்தில் சுற்றித் திரியாது. நீங்கள் தியானத்திற்கு அமரும் போது, முதலில் இறைவனுடைய மகிமையைப் போற்றி சில ஸ்லோகங்களை சொல்லுங்கள்; அதனால் சிதறியிருக்கும் சிந்தனைகளை ஒன்றுசேர்க்க முடியும். பின்னர் படிப்படியாக, நாமஸ்மரணை செய்யும்போது அந்த நாமத்துக்கு உரிய ரூபத்தை மனக்கண் முன் கொண்டு வாருங்கள். (தெய்வீக அருளுரை, பிப்ரவரி 23, 1958)