முதன்முதலாக ஜப தியானங்களைச் செய்யும்போது, உங்களுள் வேறு சிந்தனைகள் நுழைகின்றனவே என்று நீங்கள் கவலைப்பட வேண்டாம். இவற்றால் ஆபத்து ஏதும் இல்லை. இறைநாமஸ்மரணை செய்ய ஆரம்பிக்கும்போது உற்சாகத்துடன் அமருங்கள். திடமான மனஉறுதியுடன் எந்தக்காரியத்தில் ஈடுபட்டாலும் எவ்விதமான பவித்ரமின்மையும் உங்களை பாதிக்காது. இறைநாமஸ்மரணை செய்ய ஆரம்பிக்கும்போது மட்டும் நீங்கள் முழுவதுமாக பரிசுத்தத்துடன் இருக்குமாறு பார்த்துக் கொள்ளுங்கள். இதற்கான சம்பிரதாயங்களைப் பற்றி அதிகமாக யோசிக்க வேண்டாம். உங்களுக்குப் பிடித்த இறைவனுடைய திருநாமத்தையும், அதற்கான ரூபத்தையும் தேர்ந்தெடுத்துக் கொள்ளுங்கள். இறைவனது திருநாமமே மந்திரம். அது எப்போதும் சுத்தமானது, எப்போதும் கிடைப்பது, அனைத்தும் ஆனதாகும். ஆனால், ஒரு நாளைக்கு ஒரு நாம ரூபம், மற்றொரு நாளைக்கு வேறொன்று என உங்கள் விருப்பத்துக்கு ஏற்றாற்போல மாற்றிக்கொண்டே இருக்கக் கூடாது. முதலில் எந்த நாம ரூபம் உங்களுக்கு திருப்தி அளித்ததோ, அதையே முறையாக மாறாமல் கடைப்பிடியுங்கள். அது கண்டிப்பாக இதயத்தில் நிலைகொண்டு விடும். அதன் பின், அனைத்தும் அவனருளால் நிகழும்! (தியான வாஹினி, அத்தியாயம்-8)