இஸ்லாம் என்றால் இறைவனை சரணடைதல் என்று பொருள்படுவதால், உண்மையைக் கூற வேண்டுமெனில், சரணாகதி மற்றும் அர்ப்பணிப்பு உணர்வோடு, சாந்தி மற்றும் நல்லிணக்கத்துடன் சமூகத்தில் வாழ்பவர் அனைவருமே இஸ்லாத்தைச் சார்ந்தவர்களே. சிந்தனை-சொல்-செயல் ஆகிய மூன்றும் ஒருமித்து இருக்க வேண்டும் என இஸ்லாம் வலியுறுத்துகிறது. இஸ்லாமிய மத குருமார்களும் புனிதர்களும், ‘நான்’ என்றால் உடல் என்றும், ‘நான்’ என்றால் மனம் என்றும் நினைக்கப்படுவதை நாம் ஆராய்ந்து, உண்மையான ‘நான்’ என்பது, அந்த இறைவனான பரமாத்மாவிற்காக ஏங்கும் ஆத்மாவே என்ற முடிவிற்கு வர வேண்டும் என்று வலியுறுத்தி வந்துள்ளார்கள். புனித ரமலான் மாத நோன்பும் தொழுகையும் இந்த உணர்வைத் தட்டி எழுப்பி, வெளிப்படுத்துவதற்காகவே வடிவமைக்கப்பட்டுள்ளன. எந்த மதமாக இருந்தாலும், ஒற்றுமை, நல்லிணக்கம், சமத்துவமான மனநிலை ஆகியவற்றையே வலியுறுத்துகின்றன. எனவே, ப்ரேமை, சகிப்புத்தன்மை மற்றும் கருணையை வளர்த்துக்கொண்டு அந்த சத்தியத்தை, ஒவ்வொரு அன்றாட செயலிலும் எடுத்துக் காட்டுங்கள். இதுவே என் ஆசிகளுடன் நான் உங்களுக்கு அளிக்கும் திருச்செய்தியாகும்! (தெய்வீக அருளுரை, ஜூலை 12, 1983)