பிறரிடம் மக்கள் காணும் குறைபாடுகள் தங்களுடைய குறைபாடுகளின் பிரதிபலிப்புதான். பிறருடைய தவறுகளைக் காண்பவர்களுக்குத் தங்களுடைய தவறுகள் தெரிவதில்லை. நீங்கள் மாம்பழங்களைச் சாப்பிடாமல், அவற்றின் ஏப்பம் உங்களுக்கு எப்படி வரும்? உங்களுக்கு வரும் ஏப்பம், நீங்கள் உண்ட உணவைப் பொறுத்தே இருக்கும். நீங்கள் பார்த்து அனுபவிக்கும் நல்லவை-கெட்டவை உங்களுடைய எண்ணங்களின் விளைவுகளே! முதலில், உங்களிடம் உள்ள குறைபாடுகளை அடையாளம் கண்டு அவற்றை அகற்றுங்கள். மற்றவர்களை குறை கூறுவது மிகப்பெரிய பாவமாகும். இறைவன் அனைவருள்ளும் இருக்கிறான். எனவே, பிறரை நிந்திப்பது இறைவனையே நிந்திப்பது போலாகும். யாரையும் விமர்சிக்கவோ கேலி செய்யவோ வேண்டாம். அனைவரையும் மதிக்கவும்; அப்போதுதான் நீங்கள் மதிக்கப்படுவீர்கள்! நீங்கள் மற்றவர்களை மதிக்காமல் அவர்கள் உங்களை மதிக்க வேண்டும் என்று எதிர்பார்ப்பது முட்டாள்தனமாகும். உங்கள் உணர்வுகள் நல்லவையாக இருந்தால், நீங்கள் எல்லோரிடமும் நல்லதை மட்டுமே காண்பீர்கள். மனமே எல்லாவற்றுக்கும் மூலகாரணம். மனம் இல்லாமல் மனிதன் இருக்க முடியாது. பேட்டரிகள் இல்லாமல் ஒரு டார்ச் இயங்க முடியாது. உடல் டார்ச் போன்றது, கண்கள் பல்புகள் போன்றவை, புத்தி சுவிட்ச் போன்றது. ஆனால், (பேட்டரியுடன் ஒப்பிடப்பட்ட) மனம் இல்லாமல் உடலால் இயங்க முடியாது. எனவே, மனதை நல்ல நிலையில் வைத்திருக்க வேண்டும்! (தெய்வீக அருளுரை, ஏப்ரல் 14, 1999)