தேசம் உலகின் ஒரு அங்கமே. உலகம் சாந்திக்காகப் பாடுபடவேண்டும். ஓம் சாந்தி: சாந்தி: சாந்தி: என்ற மந்திரத்தின் பொருள் இதுவே. இந்த ‘சாந்தி’ என்பது அதிகமாகவோ அல்லது குறைவாகவோ உச்சரிக்கப்படாமல், ஏன் மூன்று முறை மட்டுமே உச்சரிக்கப்படுகிறது? இது சாந்தியின் மூன்று அம்சங்களைக் குறிக்கிறது. ஆதி-பௌதிகம் (உடல்), ஆத்யாத்மிகம் (மனம்) மற்றும் ஆதி-தெய்விகம் (ஆத்மா). உடல், மனம் மற்றும் ஆத்ம அளவிலான சாந்தியை வேண்டி இந்த மந்திரம் உச்சரிக்கப்படுகிறது. பாரத நாட்டின் முனிவர்களுடைய கூற்றுகளில் இத்தகைய ஆழமான அர்த்தங்கள் பொதிந்துள்ளன. நமக்கு இறைவனை நினைவூட்டுவதற்காகவும், இறையுணர்வை அடையச் செய்வதற்காகவும் இவை வடிவமைக்கப்பட்டுள்ளன. இறைவன் என்பவன் மனிதனின் கருத்துக்கும் புரிதலுக்கும் அப்பாற்பட்ட ஒருவன் என்று மக்கள் நினைக்கின்றனர். அது உண்மை அல்ல. உலகில் உள்ள அனைத்தையும் விட தெய்வம் மிக அருகில் உள்ளது. நீங்கள் அதை தொலைவில் இருப்பதாகக் கருதினால், அது தொலைவில் இருப்பதாகத் தோன்றும்; ஆனால் நீங்கள் அதை அருகில் இருப்பதாகக் கருதினால் அது அருகில் இருக்கும்! மனிதன் உடற்பற்றுடன் இருக்கும்வரை, அவனால் உருவமற்ற தெய்வத்தைப் புரிந்துகொள்ள முடியாது. எனவே அவன் மனித வடிவில் உள்ள தெய்வத்தைப் போற்றியே ஆக வேண்டும். (தெய்வீக அருளுரை, பிப்ரவரி 03, 1994)