உடலில் ஒரு கொப்புளம் இருந்தால் நாம் அதன் மீது ஒரு களிம்பைத் தடவி, அது முழுமையாக ஆறும் வரை அதைச் சுற்றி ஒரு கட்டுப் போடுகிறோம். நீங்கள், களிம்பைத் தடவி, கட்டுப் போடாமல் இருந்தால் அது புரையோடி, பின்னர் மிகுந்த துன்பத்தை விளைவிக்கக் கூடும். அவ்வப்போது நாம் அதை சுத்தமான தண்ணீரினால் கழுவி, மீண்டும் களிம்பைத் தடவி, புதிதாக கட்டுப் போட வேண்டும். அதைப் போலவே, நமது வாழ்க்கையிலும், ‘நான்’, ‘நான்’, ‘நான்’ என்ற உருவில், நமது உடலில் கொப்புளம் வந்துள்ளது. நீங்கள் உண்மையிலேயே இந்த ‘நான்’ என்ற கொப்புளம் ஆற வேண்டும் என்று விரும்பினால், அதை ஒவ்வொரு நாளும் ப்ரேமை எனும் நீரால் கழுவி, இறை நம்பிக்கை எனும் களிம்பைத் தடவி, அதைச் சுற்றி பணிவு எனும் கட்டைப் போட வேண்டும். பணிவு எனும் கட்டு, இறை நம்பிக்கை எனும் களிம்பு மற்றும் ப்ரேமை எனும் நீர் ஆகியவற்றால் இந்த ‘நான்’ எனும் கொப்புளத்துடன் தோன்றிய வியாதியை குணப்படுத்த முடியும். (தெய்வீக அருளுரை, பிப்ரவரி 17, 1985)