‘ஸோ-ஹம்’ (அவனே நான்) என்பது ஜீவாத்மா மற்றும் பரமாத்மாவின் ஏகத்துவத்தைப் பறைசாற்றுகிறது. பொருட்களாலான உலகின் பிடியில் ஒருவர் சிக்கிக்கொண்டு இருக்கும்வரை இந்த ஏகத்துவத்தைப் புரிந்துகொள்ள முடியாது. இறைவனைப் பற்றிய உண்மை இதுவே. “இறைவன் எங்கிருக்கிறான்?” என்று ஒருவர் கேட்டால், அதற்கான பதில் பகவத்கீதையின் 18வது அத்தியாயத்தின் 61வது ஸ்லோகத்தில் கொடுக்கப்பட்டுள்ளது. கிருஷ்ணர் அங்கு, “ஈஶ்வர: ஸர்வபூதானாம் ஹ்ருத்தேஶே” (இறைவன் அனைத்து உயிரினங்களின் இதயங்களில் உறைகின்றான்) என்று கூறுகிறார். நாம் கீதையைப் படிக்கிறோம். அதைப் போற்றுகிறோம். நித்ய பாராயணம் செய்கிறோம், ஆனால் அன்றாட வாழ்க்கையில் நடைமுறைப்படுத்துவதில்லை. இறைவனுடனான தனது ஏகத்துவத்தை உணர்ந்த ஒருவர் எவருக்கும் தீங்கிழைக்க மாட்டார். மக்களுக்கு சேவை செய்வதே உண்மையான இறைவழிபாடாகும். அனைத்திலும் தெய்வீக சக்தி ஊடுருவி உள்ளது. ஜீவாத்மாவிலிருந்து பரமாத்மாவிற்கும், ‘ஸ்வம்’ (தனது) என்பதிலிருந்து ‘ஸோ-ஹம்’ (இறைவனுடனான ஏகத்துவம்) என்ற நிலைக்கும், ‘நான்’ என்பதிலிருந்து ‘நாம்’ என்ற நிலைக்கும் செல்வதே நமது பயணமாகும். (தெய்வீக அருளுரை, பிப்ரவரி 11, 1983)