நாம் வாழ்ந்துகொண்டிருக்கும் இந்த கலியுகத்தின் இயல்புகளை நீங்கள் முழுமையாக அறிவீர்கள். உங்களைச் சுற்றி அநீதி, முறைகேடுகள், ஒழுக்கக்கேடு மற்றும் அசத்தியம் ஆகியவை, அவற்றின் அனைத்து கொடுமையான அம்சங்கள் மற்றும் அட்டூழியங்களுடன் இருப்பதை நீங்கள் பார்க்கிறீர்கள். ஆனால், இவற்றையெல்லாம் மீறி, வாழ்க்கையைப் பற்றிய ஒரு அமைதியான, சகிப்புத்தன்மை கொண்ட நல்ல மனப்பாங்குடன் நாம் முன்னேற வேண்டும். ஏறக்குறைய அனைத்து துறைகளும் வாழ்க்கை முறைகளும் இந்த நச்சு உணர்வுகளால் மாசுபடுத்தப்பட்டுள்ளன, ஆனால் கல்வித்துறை மிகவும் முக்கியத்துவம் வாய்ந்ததாக இருப்பதால், அதில் நமது சிறப்பு கவனம் தேவைப்படுகிறது. பெற்றோர்கள், மாணவர்கள், ஆசிரியர்கள் ஆகியோர் ஏன் கல்விமுறைக்கு எதிரான செயல்களில் தீவிரமாக பங்கேற்கிறார்கள் என்பதை நாம் முதலில் விசாரித்து அறிய முயற்சிக்க வேண்டும். சுயநலம் மற்றும் பேராசை எனும் இரண்டு அசுரத்தனமான களங்கங்கள் மனித மனதை ஆக்ரமித்து, ஆதிக்கம் செலுத்துவதே இதற்கான முக்கியமான காரணமாகும். மனிதநேயத்தை உருவாக்கும் மனித விழுமியங்களை உணர்வதற்கு இந்த சக்திகள் மனிதர்களின் வழியில் தடைகளாக உள்ளன. ரத்தினம் போன்ற விலைமதிப்பற்ற தனது வாழ்க்கையை கரித்துண்டைப் போன்ற மதிப்பில்லாத உலக ஆசைகள் மற்றும் பேராசைகளுக்காக மாற்றிக்கொள்வது ஒரு மனிதனுக்கு அழகல்ல. (தெய்வீக அருளுரை, ஏப்ரல் 10, 1975)