இறைவன் உங்களுக்குத் தனது அனைத்து செல்வங்களையும் தெய்வீக சக்திகளையும் அளித்துள்ளான். இந்த செல்வத்தின் வாரிசுகளே நீங்கள். இந்த செல்வம் என்ன என்பதை நீங்கள் தெரிந்து கொள்ள வேண்டும். தன்னலமற்ற, நித்ய நிர்மல ப்ரேமையே சாயியின் செல்வம். இதுவே நிஜம். சாயியின் செல்வம் நீங்கள் இங்கு காணும் கட்டிடங்களோ ஆலயங்களோ அல்ல; நீங்கள் இந்த ப்ரேமையின் வாரிசுகளாக, ப்ரேமையை அனுபவித்து உலகிற்கு வழங்குங்கள். இது சாயி பக்தர்களாகிய உங்களின் தலையாய கடமையாகும். எல்லாம் வல்ல, எங்கும் நிறைந்த, எல்லாம் அறிந்த இறைவனுக்கு நீங்கள் எதை அளிக்க முடியும்? நீங்கள் இறைவனுக்கு அர்ப்பணிக்கும் பல்வேறு பொருட்கள் மாயையின் காரணமாக அளிக்கப்படுபவை. பிரம்மாண்டமான ப்ரபஞ்சம் முழுதும் வியாபித்திருக்கும் இறைவனை ஒரு ஆலயத்திற்குள் அடைத்து வைக்க முடியுமா? கோடானுகோடி சூரியனின் ஒளிபடைத்த இறைவனுக்கு முன் எந்த தீபத்தை ஏற்ற முடியும்? இறைவனின் சத்தியம் பிரம்மனும் சிவனும் கூடப் புரிந்துகொள்வதற்கு அப்பாற்பட்டது; மற்றவர்கள் அவரை எப்படிப் புரிந்து கொள்ள முடியும்? சர்வ ஜீவராசிகளிலும் சஞ்சரிக்கும் இறைவனை எந்தப் பெயரிட்டு அழைக்க முடியும்? அண்டசராசரங்களையும் வயிற்றில் அடக்கி வைத்துள்ள இறைவனுக்கு எந்த உணவைப் படைக்க முடியும்? (தெய்வீக அருளுரை, நவம்பர் 23, 1986)