விதிமுறைகளை தவறாமல் கடைப்பிடித்து, முழுமையான சிரத்தையுடன், நம்பிக்கையை பிரதானமாகக் கொண்டு, உற்சாகத்துடன் தியானம் செய்ய வேண்டும். அவ்வாறு செய்தால், அதன் மூலம் அனைத்து சுகங்களும், வெற்றிகளும் கிடைப்பதோடு மட்டுமல்லாமல் பரமாத்ம சாக்ஷாத்காரமும் கூட கிடைத்துவிடும். இதற்கு வேதாந்த சாஸ்திரத்தோடு மட்டுமல்லாமல் இயற்கை சாஸ்திரத்தோடும் (ப்ரக்ருதி) நெருங்கிய சம்பந்தம் உள்ளது. இந்த இரண்டிற்கும் ஒரே ஒரு விஷயத்தில் தான் வேறுபாடு உள்ளது. ப்ரக்ருதி சாஸ்திரத்தை பின்பற்றுவோர் வாழ்க்கையின் விஷயங்களில் ஆழ்ந்துள்ளனர்; வேதாந்த சாஸ்திரத்தை பின்பற்றுவோர் வாழ்க்கையின் ஆதார சத்தியத்தில் ஆழ்ந்துள்ளனர். மனிதர்கள் இவ்விரண்டோடும் சம்பந்தப்பட்டே இருக்கிறார்கள், அல்லவா? விஷயங்களுக்கு சம்பந்தப்பட்டது ப்ரக்ருதி; ஆத்மஸ்வரூபத்திற்கு சம்பந்தப்பட்டது வேதாந்தம். மனிதர்களின் வாழ்க்கை அகத்திலும், புறத்திலும் ஒளிமயமாக மாற வேண்டுமானால், தியானமே அவர்கள் செய்யவேண்டிய தலைசிறந்த ஆன்மிக சாதனையாகும்! (தியான வாஹினி, அத்தியாயம்-1)