இறைவன் மீது பற்றுதல் கொண்டிருங்கள். அவனுடைய ஸாந்நித்யத்தை உணர்ந்து, அவனது மாட்சிமையில் திளைத்திருங்கள். அவன் அங்கீகரிக்காத எந்த வார்த்தையாலும் செயலாலும் அவனுக்கு ‘ஏமாற்றத்தையோ’ ‘துயரத்தையோ’ அளிக்காதீர்கள். அவனுக்கு சிறிதளவு கூட ‘தொந்தரவு’ அல்லது “கவலையைக்” கொடுக்காதீர்கள். அவனுக்கு இவை எதுவும் இல்லைதான் என்றாலும் கூட, அவனை உங்களுடைய இறைவன், அன்புக்குரியவன் என்று நீங்கள் ஆழமாக நேசித்தால் நீங்கள் அவனிடம் அக்கறை கொள்வீர்கள். ஜடாயுவுக்கு இடையறாத ஸ்ரீராம சிந்தனை இருந்ததால், அவருக்கு ஸ்ரீராமனின் அருள் கிட்டியது! ஸ்ரீராமர், அவரது இறுதித் தருணங்களில் அவரிடம் வந்து, தனது தந்தைக்கே கூட தான் நேரடியாகச் செய்யாத இறுதிச் சடங்குகளை தானே அவருக்கு செய்தார்! கிருஷ்ணர், பாண்டவ சகோதரர்களின் சார்பாக சமாதான தூது சென்று துரியோதனனின் அரசவையில் இருந்து திரும்பியபோது, ​​ சகாதேவன் அவரிடம், "பகவானே! எங்களை மன்னித்து விடுங்கள், அந்தக் கொடியவர்கள் உங்களுக்குச் செவிசாய்க்க மாட்டார்கள் என்று எனக்குத் தெரியும்; அவர்களின் இருப்பிடத்திற்கு உங்களைச் செல்லவிடாமல் நான் சந்தோஷமாக தடுத்திருப்பேன், ஆனால் நீங்கள் அளவற்ற கருணை கொண்டவர்" என்று கூறினான். நற்குணநலன்களை வளர்த்துக்கொண்டு, அவன் பிரதிபலிக்கும் அளவிற்கு உங்கள் அகத்தை பரிசுத்தமாக்கிக் கொண்டீர்களானால், இறைவன் உங்களுக்கு சேவை செய்திடுவான்; எப்போதும் உங்கள் அருகில் இருந்து உங்களைக் காத்திடுவான்! (தெய்வீக அருளுரை, ஜனவரி 14, 1967)