இறைவனே, சுகம், துக்கம் என்ற இரண்டையும் தோற்றுவிப்பவர் ஆவார். அவனுடைய சங்கல்பமின்றி, ஒரு புல் கூட காற்றினில் அசைய முடியாது! இந்த சத்தியத்தை இதயத்தில் உறுதியாக நிலைநிறுத்திக் கொண்டால், ஒருவர் மோக்ஷத்தின் பிரத்யேகமான பேரின்பத்தைப் பெறமுடியும். இறைவன் அனைத்தையும் அளிக்கிறான்; நமக்கு எது கிடைத்தாலும் அது அவனது அருளே. நீங்கள் பெறுவது நல்லதா கெட்டதா என்று தீர்மானிக்கும் உரிமை உங்களுக்கு இல்லை. இறைவன் உங்களுக்குள் உறுதியாக நிலைநிறுத்தப்படுவதற்கு, விக்ரஹங்கள் அல்லது படங்களின் வழிபாடு, அவனுடைய மகிமையை தியானிப்பது, அவனது நாமஸ்மரணை போன்றவை ஆரம்பகால ஆன்மிக சாதனையாக பயனளிக்கக்கூடியவை. இறைவனைத் துதித்துப் போற்றும் ஆலயங்கள், வழிபாட்டுத்தலங்கள், சன்னதிகள், பீடங்கள் போன்றவை தேவையில்லை என்று நான் கூறமாட்டேன். எழுத்துக்களைக் கற்றுக்கொள்ளும்வரை அரிச்சுவடிகளில் விளக்கப்படங்கள் அவசியமே. A என்ற எழுத்து அதன் மேலே அச்சிடப்பட்ட ஆப்பிளின் படத்தைக்கொண்டு கற்றுக் கொள்ளப்படுகிறது. அதற்காக, நீங்கள் 'A'ஐ நினைக்கும் போதெல்லாம் அந்த குறிப்பிட்ட ஆப்பிளை நினைவில் கொண்டுவர வேண்டும் என்பது கட்டாயமில்லை! (தெய்வீக அருளுரை, ஏப்ரல் 04, 1973)