நீங்கள் இடையறாத தியானத்தின் மூலம் உலகம் இறைவனின் உடல் என்பதை உணரவேண்டும். நீங்கள் அந்த உடலில் ஒரு உயிரணுவாகும். உலகின் நலனே, உங்களின் நலன்; அவ்வாறு உணர்ந்து, அவ்வண்ணமே சிந்தித்து, அந்த உணர்வோடு செயல்படுங்கள். அதுதான் உண்மையான ஆன்மிகம். ஆன்மிக சாதகன், தன்னை உலகிலிருந்து துண்டித்துக்கொண்டு ஏகாந்தத்திற்கு சென்று விடமுடியாது; ஏனெனில், ஆழ்ந்த குகையானாலும் அடர்ந்த காடானாலும், உலகம் அவனைத் தொடர்ந்து வந்துவிடும். மானுடத்தின் ஏகத்வத்தில் தன்னுடைய நம்பிக்கையை நிலைநிறுத்திக் கொண்டால் மட்டுமே, ஆன்மிக சாதகன் முன்னேற்றம் அடைந்துவிட்டதாகக் கூறிக்கொள்ள முடியும். ஒவ்வொன்றும், ஒவ்வொரு உயிரினமும், பரந்த, எல்லையற்ற, முடிவேயில்லாத இறைவன் எனும் கடலின் மேற்பரப்பில் உள்ள அலைகளே அன்றி வேறில்லை. அலைகள் கடலுக்குச் சொந்தமானவை, மேலும் அவை அலைகளாக தனிப்பட்டு இருப்பதற்கு கடலைச் சார்ந்திருப்பவை; ஆனால், கடலுக்கு அலைகள் தேவையில்லை. எனவே, நீங்கள் மற்ற அனைத்துடனும், அனைவருடனும் பிரிக்கமுடியாத வகையில் பிணைக்கப்பட்டவர்களே. (தெய்வீக அருளுரை, மார்ச் 22, 1973)