உங்களுடைய தெளிவான மனசாட்சியின் கட்டளைகளைப் பின்பற்றுங்கள். யாரோ ஒருவருடைய விருப்பங்களையும், தீர்மானங்களையும் பின்பற்றாதீர்கள்; இதைத்தான் ஒரு பார்வையற்ற மனிதன் செய்கிறான்; ஆனால் அவன் பெரும்பாலும் அவனைப் போன்றே பார்வையில்லாத ஒருவனைப் பின்பற்றுகிறான். இறைவன் உங்களுடைய இதயத்தில் கொலுவீற்றிருக்கிறான்; அவன் உங்களை வழிநடத்த எப்போதும் தயாராக இருக்கிறான். அவன் வெளிப்புற ஆடம்பரம் மற்றும் படாடோபமான நடத்தையைப் பாராட்டுவதில்லை. நீங்கள் எத்தனை மணிநேரம் பஜனை அல்லது ஜபம் செய்தீர்கள் என்றோ, நகரசங்கீர்த்தனத்தின் போது நீங்கள் எத்தனை மைல்கள் நடந்தீர்கள் என்றோ கணக்கிடுவதில்லை. உங்களுடைய சொற்களிலும், செயல்களிலும் காணப்படும் இதயத்தூய்மையையே ஆராய்கிறான். உபதேசம் செய்யாதீர்கள்; கடைப்பிடியுங்கள்! மேடைகளில் ஹீரோக்களாக இருப்பவர்கள், கீழே இறங்கியவுடன் ஜீரோக்கள் என்று தங்களை நிரூபிக்கிறார்கள். எனவே, ப்ரேமை எவ்வாறு சாந்தி சந்தோஷங்களை அளிக்கும், எவ்வாறு எல்லா மதங்களும் ஒரே இலக்கிற்குத்தான் இட்டுச் செல்கின்றன, மேலும், எவ்வாறு எல்லா மனிதர்களும் ஒருவருக்கொருவர் சகோதரர்கள், என்பவற்றை உங்களுடைய வாழ்க்கையில் நிரூபித்துக் காட்டுங்கள்! (தெய்வீக அருளுரை, மார்ச் 17, 1973)