மனதின் இயல்பை நீங்கள் ஆராய்ந்தால், அது கேமராவின் லென்ஸைப் போலவே இருப்பதைக் காண்பீர்கள். உடலே கேமரா, மனமே லென்ஸ், இதயமே புகைப்படத்தகடு, சிந்தனையே ஃப்ளாஷ், மற்றும் புத்தியே சுவிட்ச். லென்ஸை, கவலை மற்றும் பயத்தின் இருப்பிடத்தை நோக்கித் திருப்பாமல், சந்தோஷத்தின் மூலாதாரத்தை நோக்கித் திருப்புங்கள்; பின்னர், உங்கள் இதயத்தில் பதிக்கப்பட்ட ஒரு சிறந்த படம் உங்களுக்கு வெகுமதியாகக் கிடைக்கும். ரிஷிகளும், முனிவர்களும் நமக்குக் காட்டியுள்ள திசையில் லென்ஸைத் திருப்புவது கடினமே, ஏன், சாத்தியமே இல்லை என்றே சொல்லலாம்; ஏனெனில் மனம் ஒரு குரங்கு என்று உண்மையாகவே சித்தரிக்கப்பட்டுள்ளது! ஏன், அது ஒரு குரங்கையும் விட அதிகமாக அலைபாயும் ஒன்றாகும்; கண்ணிமைக்கும் நேரத்திற்குள் அது ஒரு கிளையிலிருந்து, பல மைல்களைத் தாண்டியும், காலத்தில் பல நூற்றாண்டுகளுக்கு அப்பாலும் உள்ள மற்றொரு கிளைக்குத் தாவிவிடுகிறது! மனம் ஒரு ஆசையிலிருந்து மற்றொரு ஆசைக்குத் தாவி, நம்மை அதன் வலைகளில் சிக்க வைத்துவிடுகிறது. ஆசையைக் குறைத்து, அகந்தையை அகற்றி, கோபத்தை நீக்கி விடுங்கள், மனம் உங்களுக்கு அதிபதியாக இருப்பதற்குப் பதிலாக, உங்கள் அடிமையாக ஆகிவிடும். ப்ரேமையே இதையெல்லாம் சாதிக்கக்கூடிய முதன்மைத் திறவுகோலாகும். (தெய்வீக அருளுரை, மார்ச் 17, 1973)