ஞானத்தின் மூலம், ஆகாசத்தின் எல்லைக்குள் இருக்கும் ஒவ்வொரு உயிரினத்திலும் உள்ளுறையும் இறைவனை மனிதன் காண முடியும். பாத்திரங்கள் வெவ்வேறாக இருக்கலாம் ஆனால் அவற்றுள் இருக்கும் தெய்வீகம் ஒன்றுதான். நீங்கள் கடல் நீரை ஒரு லாரி அளவு, கிண்ணத்தின் அளவு, பானையளவு, வாயளவு அல்லது ஒரு துளியளவு சுவைத்துப் பார்த்தாலும் அதன் சுவை உப்பாகத்தான் இருக்கும்! தெய்வீகத்தின் சுவையை, அணு - அண்டம், நண்பன் - எதிரி, கிருமி - பிரபஞ்சம் என எதிலும் அனுபவிக்க முடியும். இதுவே மெய்யுணர்வு, மோக்ஷம், ஆத்மபிரகாசம், தன்னிலை உரைத்தல்! சர்வம் விஷ்ணுமயம் ஜகத் - இவ்வுலகம் தெய்வீகத்தால் நிறைந்தது. மாறிக்கொண்டே இருக்கும் இவ்வுலகம், அங்கிங்கெனாதபடி எங்கும் நிறைந்துள்ள தெய்வீகத்தில் தோய்ந்ததாகும். தியாகராஜர், "ஓ சீதாராமா! உனது அளவற்ற கருணையால், நீ எறும்பிலும் ஒளிர்கின்றாய், மும்மூர்த்திகளிலும் ஒளிர்கின்றாய்!" என்று பாடினார். கிருஷ்ணர் செடிகொடியிலும் இருக்கிறார், போர்க்களத்திலும் இருக்கிறார், சங்கையும் முழங்குகிறார், மயக்கும் புல்லாங்குழலையும் இசைக்கிறார், சவுக்கையும் சொடுக்குகிறார், சக்கரத்தையும் சுழற்றுகிறார்; எல்லா இடத்திலும், எல்லாக்காலங்களிலும், மனிதனின் சிந்தனை, சொல் மற்றும் செயலின் பின் இருக்கும் கண்ணுக்குப் புலப்படாத சக்தி அவரே. (தெய்வீக அருளுரை, செப்டம்பர் 03, 1969)