இறைவனது திருநாமத்தின் சக்திக்கு ஈடுஇணையே இல்லை. மக்கள் அதை சாதாரணமாக எடுத்துக் கொள்கிறார்கள். அது தவறு. ஒருவர் பளபளக்கும் ஒரு கண்ணாடித் துண்டை வைரம் எனத் தவறாக எடுத்துக் கொள்ளக்கூடாது. உண்மையான வைரம் முற்றிலும் வேறுபட்டது! அந்த ‘’உண்மையான வைரம் (Diamond)” என்பது எது? ‘Die mind’ - மனதை அழித்தல். இறைவனது திருநாமமே உண்மையான வைரம் ஆகும்! எனவே, அதைப் பத்திரமாகவும், பாதுகாப்பாகவும் வைத்துக் கொள்ளுங்கள். துன்ப துயரங்கள், கஷ்ட நஷ்டங்கள் ஆகியவற்றைப் பற்றி ஒருபோதும் கவலைப்படாதீர்கள். அவை வரும் போகும். அது உங்களுடைய உண்மையான இயல்பு அல்ல. உங்களுடைய அந்தராத்மா வலிமையானது, நித்ய சத்தியமானது (சத்). உங்களுடைய நித்ய சத்ய இயல்பை விட்டுவிட்டு, கணப்பொழுதில் மறைந்துபோகும் உண்மையற்ற அலைகளை நீங்கள் பின்பற்றக் கூடாது. துரதிருஷ்டவசமாக, இன்று மக்கள் உண்மையற்ற நிலையற்ற அலைகளையே பின்பற்றுகிறார்கள். நீங்கள் தாற்காலிகமான, உண்மையற்ற பொருட்களை பற்றிக்கொண்டு இருந்தால், நீங்கள் எப்போதும் ஏமாற்றப்படுவீர்கள். நீங்கள் இறைவனின் கமல திருப்பாதங்களில் தஞ்சம் புகுந்து விட்டால், அவற்றை ஒருபோதும் விட்டு விடக்கூடாது. நீங்கள் எங்கு சென்றாலும் இறைவனது திருப்பாதங்கள் உங்களைக் காக்கும்! இறைவனது திருநாமத்தை இதயத்தில் உறுதியாகப் பிரதிஷ்டை செய்து விட்டால், உங்கள் வாழ்க்கை புனிதமாகி விடும். அதுவே பக்தி. அதுவே உங்கள் சக்தி. அதுவே முக்தி. (தெய்வீக அருளுரை, நவம்பர் 13, 2007)