ஞானமார்க்கத்தை விட பக்தியின் மூலம் இறைவனின் அருள் எளிதில் வெல்லப்படுகிறது. பக்திமார்க்கத்தில், மெய்யுணர்வையும் அதன் உள்ளார்ந்த பொருளையும் முழுமையாக, தெளிவாக புரிந்துகொள்ள வேண்டிய அவசியம் உள்ளது. இதற்கு, புறநிலை உலகமே ஆதாரம் மற்றும் வாதம், முயற்சி மற்றும் வழிமுறை ஆகும்! இதை அறிந்து கொள்வதற்கு ஆன்மிக விசாரத்தைப் பின்பற்ற வேண்டும்; இப்படிப்பட்ட விசாரம், அசைக்க முடியாத சாந்தியை அளிக்கும். பொருட்களால் ஆன இவ்வுலகனைத்தின் பின் உள்ள உண்மையை இந்த விசாரம் மட்டுமே வெளிப்படுத்த முடியும். நீண்ட காலமாக சில பணிகளை நீங்கள் கவனமாகச் செய்யும்போது எழும் தவறுகளை, அவை நிகழ்ந்தவுடனேயே கண்டறிந்து திருத்தி, அவை மீண்டும் வராமல் தவிர்த்து அப்பணிகளை தொடர்ந்து செய்யும்போது இன்னும் மகத்தான வெற்றி நீங்கள் எதிர்பார்ப்பதை விட கச்சிதமாக பெறுகிறீர்கள் என்பது உங்களுடைய அனுபவம் அல்லவா? இதற்கு என்ன தேவையென்றால் வெற்றி பெற வேண்டும் என்கின்ற தளராத விருப்பம். அது, உங்களை அதற்கான வழிமுறைகளைக் கண்டறிந்து கொள்வதற்கும், அந்த வழிமுறைகளை பின்பற்றுவதில் முனைப்பையும் கவனத்தையும் வளர்த்துக் கொண்டு வெற்றியை அடைவதற்கும், இட்டுச் செல்லும். உங்களுடைய விருப்பம் சங்கல்பத்தினாலும், சங்கல்பம் உங்களுடைய முயற்சிகளாலும் வலுப்பெற வேண்டும்! (பிரசாந்தி வாஹினி, அத்தியாயம்-19)