சத்தியம் ஒருபோதும் அழிவதில்லை; அசத்தியம் ஒருபோதும் நிலைத்ததில்லை. நீங்கள் அனைவரும் இந்த நம்பிக்கையில் உறுதியாக நிலைகொண்டிருக்க வேண்டும். எதைப் பற்றி ஒருவர் "இது நிரந்தரமானது" என்று கூற முடியும்? எதையும் நிரந்தரமானது என்று ஒருவர் எவ்வாறு நம்ப முடியும்? உண்மையில், எல்லாமே மாறிக்கொண்டு இருப்பதையும், ஒருவருடைய அனுபவங்களே பலவிதமான மாற்றங்களுக்கு உள்ளாவதையும், ஒருவர் வளரும் சூழ்நிலை தொடர்ந்து மாறிக்கொண்டு இருப்பதையும், ஒருவர் நிரந்தரமற்ற சூழ்நிலையில் வளர்வதையும், பிறந்ததிலிருந்தே பார்த்துக் கொண்டு வரும் ஒருவருக்கு, இந்த நம்பிக்கை எப்படி உண்டாகும்? இதை எல்லாம் கவனிக்கும்போது, இது ஒரு மாயையான உலகம் என்பதை மறுப்பதற்கு அச்சமின்றி உறுதியுடன் கூற முடியும். இது சத்தியமானது என்றால், இது எவ்வாறு மாற முடியும்? மாற்றத்திற்கு உள்ளாகும் அனைத்தும் மாயையே; சத்தியம் ஒன்றே மாறாதது, நிலையானது, நிரந்தரமானது. மாறாத, நிலையான, நிரந்தரமான ஒன்று ஆத்மா மட்டுமே; அது ஒன்றே சத்தியம், அது ஒன்றே நிரந்தரம். ஆத்மா இறைவனின் ஸ்வரூபம்; அதுவே இறைவனின் சக்தி. (பிரசாந்தி வாஹினி, அத்தியாயம்-16)