தெய்வீகம், பஞ்ச பூதங்களான ஆகாயம், காற்று, நெருப்பு, நீர் மற்றும் நிலமாக தன்னை ஆரம்பத்தில் வெளிப்படுத்திக் கொண்டது. படைப்பனைத்தும், வெவ்வேறு விகிதாசாரங்களில், இவற்றின் இரண்டு அல்லது மூன்றின் ஒரு கலவையே அன்றி வேறில்லை. இந்த பஞ்ச பூதங்களின் இயல்பு - ஓசை, தொடு உணர்ச்சி, உருவம், சுவை மற்றும் மணம் ஆகியவை ஆகும்; இவை முறையே செவி, தோல், கண், நாக்கு மற்றும் மூக்கு ஆகியவற்றின் மூலம் உணரப்படுகின்றன. இவற்றில் தெய்வீகத்தன்மை நிறைந்திருப்பதால், பயபக்தியுடன், பணிவாகவும், நன்றியுணர்வோடும் இவற்றை பயன்படுத்த வேண்டும். உங்களுடைய மற்றும் பிறரின் நலனுக்காக இவற்றை திறமையாகப் பயன்படுத்துங்கள்; இவற்றை மிதமாகவும், அனைவருக்கும் அன்பான சேவை ஆற்றும் எண்ணத்தோடும் பயன்படுத்துங்கள். அனைத்தும் இலவசமாகக் கிடைப்பவை, மேலும் விலைமதிப்பற்ற வல்லமை நிறைந்தவையுமாகும். அவை ஏராளமாகவும், விலைமதிப்பற்றதாகவும் இருப்பதைப் பாராட்டுங்கள். மிதமிஞ்சிய அளவிலான காற்று, நெருப்பு அல்லது நீர் ஆகியவை ஆரோக்கியத்திற்கு தீங்கானது என்பதை நீங்கள் அனுபவத்திலிருந்து அறிவீர்கள். எனவே, இவற்றின் திறமையான பயன்பாடே ஒருவிதமான வழிபாடாகும். இயற்கையே தன் அம்சத்தில் தெய்வீகமான ஒன்றுதான், ஈசாவாஸ்யம் இதம் ஸர்வம்: இவை எல்லாம் தெய்வீகமே. வாசுதேவஸ்ஸர்வமிதம் - அனைத்தும் வாசுதேவனே, இறைவனே. எனவே, இதமாக நடந்து, பயபக்தியுடன் இயங்கி, நன்றியுணர்வுடன் பயன்படுத்துங்கள். (தெய்வீக அருளுரை, அக்டோபர் 15, 1966)