நீங்களே செய்து கொள்ளக்கூடிய பணிகளுக்கு, நீங்கள் வேறு ஒருவரை சார்ந்து இருக்கக்கூடாது! உங்களுடைய விருப்பங்கள் நிறைவேறுவதற்காக ஒரு வேலைக்காரனை நன்றாக வேலை வாங்கிவிட்டு, நீங்கள் தியானத்தில் சோம்பேறித்தனமாக அமர்ந்திருப்பதால் என்ன பயன்? செயலில் ஈடுபடுங்கள், போற்றத்தக்க செயல்களில் உங்களை அர்ப்பணித்துக் கொள்ளுங்கள், இறைவனுடைய மஹிமைக்காக அனைத்தையும் செய்யுங்கள் - நீங்கள் நம்பிக்கையுடன் செய்யும் 'தியானத்தை' விட இவை மிகுந்த பலனை அளிக்கவல்லவை. எவ்வாறு தெர்மாமீட்டர் உடலின் வெப்பத்தைக் காட்டுகிறதோ, அவ்வாறே, உங்களுடைய பேச்சு, நடத்தை மற்றும் செயல்பாடு, உங்களுடைய மனப்பாங்கு மற்றும் அணுகுமுறைகளைச் சுட்டிக்காட்டி, உங்களை பாதித்திருக்கும் உலகப்பற்று எனும் காய்ச்சல் எவ்வளவு அதிகமாக இருக்கிறது என்பதை எடுத்துக்காட்டும்! இவை, அதீத உணர்வுகளான வெறுப்பு அல்லது கர்வம் போன்றவற்றால் களங்கமடையாது, சாத்வீகமாக இருக்க வேண்டும். மற்றவருள்ளும் சாந்தி வளரும் விதத்தில் சாந்தமாகப் பேசுங்கள். உங்களுடைய பேச்சும் நடத்தையும் மனிதத்தன்மையுடன் கூட இல்லாமல் இருக்கும் போது, ஜபம் மற்றும் தியானத்தால் என்ன பயன்? மிருக குணம் எனும் சேற்றில் உழன்றுகொண்டே, நீங்கள் இறைவனை அணுகமுடியும் என்று எவ்வாறு நம்புகிறீர்கள்? (தெய்வீக அருளுரை, அக்டோபர் 12, 1969)