இடர் எதுவாக இருந்தாலும், இன்னல் எவ்வளவு பெரிதாக இருந்தாலும், இடையறாத இறைநாமஸ்மரணையின் மூலம் வெற்றி காணுங்கள். பீஷ்மரை நினைவிருக்கிறதா? ஒரு அம்புப்படுக்கையில் படுத்திருந்தாலும் கூட, மங்களகரமான தருணம் தோன்றுவதற்காக பொறுமையுடன் வேதனையைத் தாங்கிக் கொண்டு இருந்தார். தனது துன்பத்தைத் தீர்த்து வைக்க வேண்டும் என, அவருடைய வேதனையில் அவர் ஒருபோதும் இறைவனை இறைஞ்சவில்லை. "எந்த வலியானாலும், வேதனை எவ்வளவு நீண்டதாக இருந்தாலும், அனைத்தையும் தாங்கி கொண்டு, அந்தத் தருணம் வரும்வரை நான் அமைதியாக இருப்பேன். அந்த நேரம் பிறக்கும்போது என்னை ஏற்றுக் கொள்வாய்" என்றார் அவர். சாந்தமான பக்தர்களில் பீஷ்மர் தலைசிறந்தவராவார். அவர் உறுதியாகவும், நிலைகுலையாமலும் படுத்திருந்தார். சாந்தி அனைவருக்கும் இன்றியமையாததே. அது இருந்தால், அனைத்தும் இருப்பது போன்றதாகும்; அது இல்லையெனில் அனைத்து சந்தோஷத்தையும் இழந்துவிட்டது போலாகும். சாந்தி ஒவ்வொரு மனிதனின் இயல்பாகவே இருந்தாலும் கூட, கோபமும், பேராசையும் அதை அடக்கி வைப்பதில் வெற்றி அடைகின்றன. அவை நீக்கப்படும்போது, சாந்தி ஒளிவிட்டுப் பிரகாசிக்கிறது! (பிரசாந்தி வாஹினி, அத்தியாயம்-5)