சாந்தியையோ அல்லது அதைத் தரும் பக்தியையோ, வேறு ஒருவர் மூலம் பெற முடியாது; ஒவ்வொருவரும் அதைத் தாங்களே உருவாக்கி, வளர்த்துக் கொள்ள வேண்டும். இருந்தாலும், ஒருவருக்கு அடிப்படையில் இறை அருளும் கூட இருக்க வேண்டும். உபநிஷதங்களில் கூறப்பட்டுள்ளதைப் போல, “இறைவன் யாரைத் தேர்ந்தெடுக்கிறானோ, அவருக்கே அது கிடைக்கிறது (யமேவ வ்ருனுதே தேன லப்யஹ)" ஆனால், ஆன்மிக சாதகன், “அப்படி என்றால், ஆன்மிக சாதனைகளுக்கு என்ன அவசியம்?" என்று சந்தேகிக்கக்கூடும். பக்தியுடன் இறைவனை நினைப்பவர்கள், வழிவழியாக வந்த அல்லது சேர்த்து வைக்கப்பட்டுள்ள, எந்த விதமான கர்மாவையும் வெல்ல முடியும். அவனது அருளால், அவர்கள் அடையவே முடியாத பேரானந்தத்தைக் கூட அனுபவிக்க முடியும். ஆன்மிக சாதனையின் பயனை சந்தேகிக்காதீர்கள்; இல்லை, அது ஒருபோதும், யாராக இருந்தாலும் பலனளிக்காததல்ல. அந்த நம்பிக்கையை உறுதியாகப் பற்றிக் கொண்டிருங்கள். நிலைகுலையாத பக்தி இறையருளை வென்றே தீரும். கஜேந்திரன் இதற்கான உதாரணமாகும். (பிரசாந்தி வாஹினி, அத்தியாயம்-5)