46 நன்னெறிக் கோட்பாடுகளிலிருந்து: 41) எப்போதெல்லாம் உங்களுக்கு சிறிது ஓய்வு நேரம் கிடைக்கிறதோ, அப்போது வேண்டாதவற்றைப் பற்றிப் பேசுவதில் நேரத்தை செலவிடாதீர்கள்; மாறாக, இறைவனை தியானிப்பதற்கு அல்லது பிறருக்கு சேவை செய்வதற்குப் பயன்படுத்துங்கள். 42) இறைவனை பக்தன் மட்டுமே புரிந்து கொள்கிறான்; பக்தனை இறைவன் மட்டுமே புரிந்து கொள்கிறான். மற்றவர்கள் அவர்களைப் புரிந்துகொள்ள முடியாது. எனவே பக்தி இல்லாதவர்களுடன் இறைவன் தொடர்பான விஷயங்களை விவாதிக்க வேண்டாம். இப்படிப்பட்ட விவாதம் உங்களுடைய பக்தியைக் குறைத்து விடும். 43) தான் தவறாக புரிந்துகொண்டு உங்களிடம் யார் எதைப் பற்றி பேசினாலும், அந்த விஷயத்திற்கு ஆதரவாக இருக்கும் பிற தவறான கருத்துக்களை பற்றி எண்ணாமல், அந்த விஷயத்தில் உள்ள நல்ல மற்றும், இனிமையானவற்றை மட்டும் கிரஹித்துக் கொள்ளுங்கள். எந்த அர்த்தமும் தராத, ஆனந்தத்திற்கு இடையூறு செய்யும் தவறான அல்லது பலவிதமான அர்த்தங்களை அல்லாமல், உண்மையான அர்த்தமே விரும்பத்தக்கது என்று பாராட்டப்படவேண்டும். (ஸந்தேஹ நிவாரிணி, அத்தியாயம் 7)