ஒரு வழக்கறிஞரை பார்க்கும் போது, உங்கள் சட்டப்பிரச்சனைகள் நினைவுக்கு வருகின்றன. மருத்துவரை பார்க்கும்போது, உங்கள் நோயைப் பற்றி எண்ணுகிறீர்கள். அதைப் போலவே, கோவிலைப் பார்க்கும் போது, நீங்கள் இறைவனை நினைக்கிறீர்கள். கோவில்கள் நினைவூட்டல்களாக மட்டுமே பயன்படுகின்றன. உண்மையான வழிபாடு என்பது, ஒவ்வொருவருள்ளும் இறைவனுக்காக உள்ள இதயபூர்வமான பக்தியில் தான் இருக்கிறது. உங்களுடைய இதயக் கோவிலைத் தூய்மைப்படுத்திக் கொண்டு, நீங்கள் உங்களுடைய வாழ்க்கையை சேவைக்கு அர்ப்பணிக்க வேண்டும். ஆன்மிக சாதனை உணர்வோடு ஆற்றப்படும் இத்தகைய அர்ப்பணிப்பான சேவையே, ஸ்ரீ சத்ய சாயி சேவை நிறுவனங்களை வேறுபடுத்திக் காட்டுகிறது. ஆண்கள், பெண்கள், இளைஞர்கள், முதியவர்கள் என எண்ணிலடங்காத சாயி பக்தர்கள், சாயியின் மீது கொண்ட ப்ரேமையின் காரணமாக, பலவிதங்களில் சேவை ஆற்றிக்கொண்டு வருகின்றனர். ஸ்வாமியின் விபூதி மற்றும் அற்புதங்களைப் பற்றி மக்கள் பேசுகிறார்கள். ஆனால் உண்மையான அற்புதம் ஸ்வாமியின் அளவற்ற ப்ரேமையே. இந்த ப்ரேமையே எண்ணற்ற பக்தர்களை சேவையில் ஈடுபட ஊக்கமளிக்கிறது. இந்த ப்ரேமையை விட உயர்ந்தது எதுவும் இல்லை. நீங்கள் அனைவருமே இந்தப் ப்ரேமையினால் தான் என்னிடம் ஈர்க்கப்பட்டுள்ளீர்கள். ப்ரேமையைக் கொடுத்து, ப்ரேமையைப் பெறுவதே என் தொழில்! (தெய்வீக அருளுரை ஏப்ரல் 6,1983)