பேரரசரான சிவாஜி ஒருமுறை அவரது அவையிலிருந்த சிலர் மூலமாக, ஏராளமான மளிகை சாமான்கள், தானியங்கள், துணிமணிகள், இனிப்புகள் மற்றும் பாத்திரங்களை, அவரது குருவான சமர்த்த ராமதாசருக்கு அனுப்பி வைத்தார். அவர், "இதையெல்லாம் நீங்கள் யாருக்காக, எதற்காகக் கொண்டு வந்திருக்கிறீர்கள்?" என்று கேட்டார். அதற்கு அவர்கள், "உங்களுக்காகத்தான். உங்களுக்குக் கொடுப்பதற்கு என்று யாருமே இல்லை; அதனால் தான் சிவாஜி மஹராஜ் இவற்றை அனுப்பியுள்ளார்" என்று பதிலளித்தார்கள். ராமதாசர் சிரித்துக் கொண்டே, "எனக்கு அளிப்பதற்கு இறைவன் இருக்கிறார்; இறைவனுக்குத் தான் கொடுப்பவர் யாருமே இல்லை. சிவாஜியை இவற்றை இறைவனுக்கு அனுப்பப் சொல்லுங்கள்!" என்று கூறினாராம். இப்போது, விலைவாசி உயர்வின் விளைவாக உலகம் முழுவதும் கவலை சூழ்ந்து கொண்டிருக்கின்றது, அவற்றைக் குறைப்பதற்கான முயற்சிகள் தீவிரமாக மேற்கொள்ளப்பட்டு வருகின்றன. விலைவாசி உயர்வின் அடிப்படைக் காரணம் மனிதனின் விலை (மதிப்பு) தாழ்ந்து விட்டது தான்! மனிதன் அவனுடைய விலைமதிப்பற்ற தன்மையை உணர வேண்டும்; வாழ்க்கையில் ஒருவன் எந்த உயர்ந்த குறிக்கோளும் இல்லாமல், மலிவான நட்டு அல்லது போல்ட் (Nut & bolt) போன்று தன்னை கருதக் கூடாது. தான் அழிவற்ற, வெல்ல முடியாத ஆத்மா என்பதையும், உடல் அதற்கான ஒரு வாகனம் மட்டுமே என்பதையும் அவன் தெரிந்து கொள்ள வேண்டும்! (தெய்வீக அருளுரை ஏப்ரல் 1, 1975)