இளைஞர்களுக்கு ஒரு ஆரோக்கியமான உடல், வலுவான மனம் மற்றும் ஆழ்ந்து சிந்திக்கக்கூடிய ஒரு கூர்மையான புத்தி ஆகியவை இருக்கின்றன; ஆனால் அவர்கள் அவற்றைத் தவறாகப் பயன்படுத்துகிறார்கள். இறைவனை நினைந்து தங்களுடைய அங்கங்களை சரியாகப் பயன்படுத்துவதற்கு பதிலாக, அவர்கள் தங்களுடைய புலன்களைத் தவறாகப் பயன்படுத்துகிறார்கள். இந்த வயதில், நீங்கள் உங்களுடைய உடல், மனம் மற்றும் புத்தியின் வலிமையை சரியாகப் பயன்படுத்த வேண்டும். எது சரியான வழி? இதன் பொருள், புனிதமான பாதையில் செல்வதே ஆகும். நமக்கு கண்கள் பரிசாகக் கொடுக்கப்பட்டிருக்கிறது என்பதற்காக எல்லாவற்றையும் பார்க்க வேண்டிய அவசியம் இல்லை. நல்லவை அனைத்தையும் பார்க்க முயலுங்கள் உங்களுடைய காதுகளால் பிறரைப் பற்றிய விமர்சனத்தையோ அல்லது தேவையற்ற அனைத்தையுமோ கேட்காதீர்கள். பிறரைப் பற்றிய விமர்சனத்தைக் கேட்பதும், தீயவை அனைத்தையும் பார்ப்பதும் ஒரு மிகப் பெரிய பாவமாகும். நாம் தீயவற்றைப் பார்த்தால் மட்டுமே தீயவற்றைப் பெறுவோம். நாம் நம்முடைய காதுகளால் நல்ல வார்த்தைகளைக் கேட்க முயலுவதில்லை; மாறாக, நாம் தீய பேச்சுக்களைக் கேட்கிறோம். சூர்தாஸ் கண்பார்வையற்று இருந்தார். ஆனால், அவர் இடையறாது ஸ்ரீகிருஷ்ணரின் திருநாமத்தை உச்சரித்துக் கொண்டு இருந்தார். எனவே தான், ஸ்ரீகிருஷ்ணர் அவருக்குத் தரிசனம் அளித்து, வாழ்க்கையை பரிபூரணமாக்கினார். (தெய்வீக அருளுரை, ஜனவரி 27,2007)