ப்ரேமையின் திருவுருவங்களே! புத்தாண்டு, சத்யம் மற்றும் தர்மத்தின் புதுக் கோட்பாடுகளைக் கொண்டு வருவதில்லை. அவை மாறாதவை மற்றும் சாஸ்வதமானவை. அவை கடைப்பிடிக்கப்பட்டால், உலகம் முழுதும் நலம் பெறும். எனவே, நாம் இந்த இரண்டு கோட்பாடுகளையும் எப்போதும் நினைவில் கொள்ளவேண்டும். மனிதனுக்கு, சத்யமும், தர்மமும் அவனது இரண்டு கண்களாகும். உண்மையில், அவை அவனது உயிர்க் கோட்பாடுகளாகும். அவன் எந்தப் பணியையும் மேற்கொள்ளலாம்; அவன் எந்த வேலையும் அல்லது வியாபாரத்தையும் செய்யலாம்; ஆனால், அவன் தனது அனைத்து முயற்சிகளுக்கும் சத்யம் மற்றும் தர்மத்தை அடிப்படையாகக் கொண்டிருக்க வேண்டும். மனிதன் ஒரு புதிய பாதையில் செல்ல வேண்டும். வருடங்கள் உருண்டோடி விட்டன, ஆனால், மனிதன் தனது பழைய மற்றும் கீழ்த்தரமான உணர்வுகளை விட்டு விடவில்லை. அவன் தனது இதயத்தை பரிசுத்தமாக்கிக் கொள்ள வேண்டும். இதயம் நல்மாற்றம் அடைந்தால் மட்டுமே மானிடத்துவம் மலர முடியும். வெறும் புத்தாடைகளை அணிந்து கொண்டால் மட்டும் போதாது; மனிதன் தனது குணநலனையும், நடத்தையையும் மாற்றிக் கொள்ள வேண்டும். அவனது நடத்தை, சத்யம் மற்றும் தர்மத்தை அடிப்படையாகக் கொண்டு இருக்க வேண்டும். (தெய்வீக அருளுரை, ஏப்ரல் 14, 2003)