ஒரு கால்பந்து விளையாட்டில், ஒவ்வொரு தரப்பிலும் ஆறு விளையாட்டு வீரர்கள், பந்தை அது கோலுக்குச் செல்லும் வரை உதைத்துக் கொண்டு செல்வார்கள். வாழ்க்கைக்கும் உலகியல் மற்றும் ஆன்மிகம் என்ற இரண்டு இலக்குகள் உள்ளன. இந்த இரண்டு இலக்குகளையும் பந்து தாண்டிப் போகாமல் நீங்கள் பார்த்துக் கொள்ள வேண்டும். அது இந்த இரண்டு இலக்குகளுக்கு மத்தியிலேயே விளையாடப்பட வேண்டும். மீண்டும் பிறக்கக் கூடாது என்ற குறிக்கோளுடன் தான் நீங்கள் மனிதனாகப் பிறந்திருக்கிறீர்கள். உலகியல் மற்றும் ஆன்மிகம் என்ற நோக்கங்களின் வரையறைக்குள் நீங்கள் வாழ வேண்டும். பின்னர் நீங்கள் மோக்ஷம் அடைவீர்கள். காமம், க்ரோதம், லோபம், மோகம், மதம், மற்றும் மாத்சர்யம் என்ற ஆறு தீய குணங்கள் ஒரு பக்கமும், சத்யம், தர்மம், சாந்தி, பிரேமை, அஹிம்சை மற்றும் தியாகம் எனும் ஆறு நல்ல குணங்கள் மற்றொரு பக்கமும் உள்ளன. இந்த இரண்டு அணிகளுக்கு இடையே தான் விளையாட்டு. இந்த விளையாட்டில் இருந்து நாம் கற்றுக் கொள்ளும் மற்றொரு பாடம், கால்பந்து, அது காற்றால் (அகந்தை) நிரம்பி இருக்கும் வரை தான் உதைக்கப்படுகிறது. காற்றை நீக்கி விட்டால், நீங்கள் அதைக் கையில் எடுத்துக் கொள்கிறீர்கள்! ஒரு பயனுள்ள மற்றும் அர்த்தமுள்ள வாழ்க்கை நடத்துவதற்கு, மனித குலத்திற்கு சேவை ஆற்றுங்கள்; அது உங்களை இறைவனுக்கு அருகாமையில் இட்டுச் செல்லும். (தெய்வீக அருளுரை, ஏப்ரல் 18,1998)