இறைவன் இதயவாசி என்பதை நாம் நம்பி, இதயத்திலிருந்து வரும் போதனையைக் கடைப்பிடித்து இப்படிப்பட்ட போதனையைக் கடைப்பிடிப்பதற்கான நல்ல முறைகளை ஏற்றுக் கொள்ள வேண்டும். தீயவற்றை வென்று, நமது புலன்களின் மீது ஆளுமை பெறுவதற்காக, புனிதப் பாதைகளான யோகா மற்றும் தியானத்தை, நமது மூதாதையர்கள் நமக்கு அளித்திருக்கிறார்கள். கோபத்தையும், வெறுப்பையும் கட்டுப்படுத்துவதற்காக பண்டைய முனிவர்கள் தங்களது கிராமங்களை விடுத்து, காட்டிற்குச் சென்றார்கள். இந்நாளில், கோபத்தையும், வெறுப்பையும் விட்டொழிப்பதற்கு, காட்டிற்குச் செல்ல வேண்டிய அவசியமில்லை. நல்லொழுக்கத்தை ஒரு வெற்றிடத்தில் கடைப்பிடிக்க முடியாது. நீங்கள் ஒரு கோபமான சூழ்நிலையில் வாழ்ந்து கொண்டு, அதைக் கட்டுப்படுத்த முடிந்தால், பின்னர் அதுவே ஒரு சிறப்பான சாதனையாகும். ஆனால், கோபத்திற்கு இடமே இல்லாத ஒரு காட்டில் வசித்துக் கொண்டு, உங்களது கோபத்தை நீங்கள் கட்டுப்படுத்தி விட்டீர்கள் என்று சொன்னால், அதில் அர்த்தமே இல்லை. கோபம் மற்றும் வெறுப்பு என்ற உணர்வுகளின் எழுச்சிக்கு ஏராளமான வாய்ப்புக்கள் உள்ள உலகியலான சூழ்நிலைகளில் நீங்கள் இருந்து கொண்டு, பின்னர் அவற்றைக் கட்டுப்படுத்த கற்றுக் கொள்ள வேண்டும். அது தான் ஒரு சிறப்பான சாதனையாக இருக்கும்.