உண்மையானவற்றை, வெளிப்படையானவற்றில் இருந்து பிரித்து எடுங்கள். நிகழ்வின் உள்ளே, அதன் உட்கருவை, அதன் அர்த்தத்தை நோக்குங்கள். உங்களுடைய ஆத்ம சத்தியத்தைச் சிந்தித்துப் பாருங்கள்; நீங்கள் பரிசுத்தமான, அழிக்கமுடியாத, வாழ்க்கையின் ஏற்றத் தாழ்வுகளால் பாதிக்கப் படாதவரே; நீங்கள் உண்மையில், இவை அனைத்துமே ஆன, சத்யமான, சாஸ்வதமான, சனாதன பரப்ரம்மமே.ஒரு வெறும் ஐந்து நிமிட ஆய்வு, நீங்கள் உடல், புலன்கள், மனம் அல்லது புத்தி, நாமம் அல்லது ரூபம் ஆகியவை அல்ல, ஆனால் இந்த பல்வேறு வகைகளில் தோன்றும் அதே ஆத்மா தான் என்று உங்களை நம்ப வைக்கும்.ஒருமுறை உங்களுக்கு இந்த உண்மையின் ஒரு சிறு கண்ணோட்டம் கிடைத்து விட்டால், அதைப் பிடித்துக் கொள்ளுங்கள்; அதை நழுவ விடாதீர்கள். அதை உங்களது நிரந்தர உடமையாக ஆக்கிக் கொள்ளுங்கள். இந்த விவேகம் (பகுத்தறிவு) மற்றும் வைராக்யத்தை (பற்றின்மை) அடையும் முதல் படியாக, இப்போதிலிருந்தே இடையறாது இறைவனது திருநாமத்தின் மூலம் அவனை நினைவு கூறுவது- அதாவது இறைநாமஸ்மரணை என்ற ஒரு பயிற்சியில் இறங்குங்கள்.வம்பு பேசுவது, விளையாட்டு அல்லது சினிமாக்களைப் பார்ப்பது மற்றும் வெட்டிப் பேச்சு ஆகியவற்றில் செலவழித்த அனைத்து நேரத்தையும், இறைவனது மகத்துவமான அவனது திருநாமம் மற்றும் ரூபத்தை அமைதியாக தியானிப்பதில் மிகச் சிறப்பாகப் பயன்படுத்த முடியும்.