உங்களது ஆத்மாவே ஆன இறைவனுடன் நீங்கள் ஒரு இணை பிரியாத பற்றுதல் மனப்பாங்கினை வளர்த்துக் கொள்ள வேண்டும். அவன் ஒரு மலராக இருந்தால், நீங்கள் உங்களையே, அதன் தேனைப் பருகும் தேனீயாக உணர வேண்டும்; அவன் ஒரு மரமாக இருந்தால், அதைப் பற்றிக் கொண்டு வளரும் கொடியாக இருங்கள்; அவன் ஒரு குன்றாக இருந்தால், பின்னர் நீங்கள் அதில் வழிந்து ஓடும் ஒரு நீரோடையாக இருங்கள்; அவன் வானமாக இருந்தால், நீங்கள் அதில் கண்சிமிட்டும் ஒரு சிறிய நட்சத்திரமாக இருங்கள்; எல்லாவற்றையும் விட, நீங்களும் அவனும், தலைசிறந்த ப்ரேமையால் கட்டுண்டவர்கள் என்ற உண்மையைப் பற்றி உணர்ந்திருங்கள்.நீங்கள் இவ்வாறு, உங்கள் ஸ்தூல புத்தியால் அன்றி, உங்களது சூக்ஷ்ம புத்தியால், தீவிரமாக உணர்ந்தீர்கள் என்றால், பயணம் விரைவாக நடந்து, குறிக்கோளை வெல்ல முடியும். ஸ்தூல புத்தி உங்களை நடந்து செல்ல வைக்கும் ஆனால், சூக்ஷ்ம புத்தியோ, நீங்கள் சென்றடைய வேண்டிய இடத்திற்கு பறந்து செல்ல வைக்கும். ஸ்தூல புத்தி உடல் பற்றால் அழுத்தப் பட்டு உள்ளது; சூக்ஷ்ம புத்தியோ, உடலுக்கு அப்பாற்பட்டுச் சென்று பலுவைக் குறைக்கிறது !