நீங்கள் ஒரு இறைவனது விக்ரஹத்திற்கு முன் அமர்ந்து, அதைப் போற்றிப் புகழ்ந்து, வழிபாட்டு அகர்பத்தியை ஏற்றி வைக்கிறீர்கள், ஆனால், நீங்கள் அந்த விக்ரஹத்தில் காணும் இறைவனது முக்கியத்துவத்தைப் புரிந்து கொள்ள நீங்கள் முயற்சி செய்வதில்லை. இறைவனது ஸங்கல்பம் என்ன என்பதை ஆராய்ந்து,அவனது ஆணைகளைக் கண்டறிந்து, அவனுக்கு எது மிக அதிகம் மகிழ்ச்சி அளிக்கும் என்பதை அனுமானித்து, உங்களது வாழ்க்கையை அதற்கு ஏற்றவாறு ஒழுங்கு படுத்துங்கள். வெளி உலகின் ஒட்டிக் கொள்ளும் சிக்கல்களில் மாட்டிக் கொள்ளாதீர்கள். பேராசை மற்றும் த்வேஷத்தினால், உங்களது இதயத்தை இரும்பாக்கிக் கொள்ளாதீர்கள். ப்ரேமையின் மூலம் உங்கள் இதயத்தை மிருதுவாக ஆக்கிக் கொள்ளுங்கள். பரிசுத்தமான வாழ்க்கை மற்றும் சிந்தனையின் பழக்கங்களின் மூலம் அதைத் தூய்மைப்படுத்திக் கொள்ளுங்கள். அதை ஒரு ஆலயமாகப் பயன்படுத்தி அதில் உங்களது இறைவனை பிரதிஷ்டை செய்யுங்கள். வலிமை,ஞானம் மற்றும் சந்தோஷத்தின் மூலாதாரம் உங்களுள்ளேயே இருப்பதைக் கண்டு மகிழுங்கள். நீங்கள் வெல்லமுடியாதவர் மற்றும் சுதந்திரமானவர், உங்களைத் தவறு செய்ய உந்துவிக்கவோ அல்லது அச்சுறுத்தவோ முடியாது எனப் பறைசாற்றுங்கள்!‘’ நான்- இந்த -உடலே’’ என்ற உணர்வின் ஒரு சுவடு உங்களுள் இருக்கும் வரை, நீங்களே தான் இறைவனைத் தேட வேண்டும்; நீங்கள் தான் கண்ணாடியை அணுக வேண்டுமே அன்றி, நீங்கள் உண்மையில் யார் என்பதை உங்களுக்குக் காட்ட, கண்ணாடி உங்களை நோக்கி வராது!