நீங்கள் உண்மையில் வீட்டில் இருந்து கொண்டே,தொலை பேசியில் உங்கள் மகனிடம் ‘’ அப்பா வீட்டில் இல்லை ‘’ என்று பதிலளித்து விடு என்று சொன்னீர்கள் என்றால்,ஒரு பெரிய மரமாக வளரப் போகும், ஒரு விஷ விதையை நீங்கள் விதைக்கிறீர்கள்.பெற்றோர்கள், பொய் சொல்வது,பிறரைப் பற்றி அவதூறாகப் பேசுவது,சூதாடுவது,மது அருந்துவது,வன்முறையாக நடந்து கொள்வது, காயப்படுத்துவது, கேளிக்கை நிலயங்கள்,திரைப்படங்கள் மற்றும் மதுபான விருந்துகள் ஆகியவற்றிற்கு அடிமையாவது, நடு இரவைத் தாண்டி வீட்டிற்குத் திரும்பி வந்த பிறகு சண்டை போடுவது போன்றவற்றால், கெட்ட முன் உதாரணங்களாக அமைந்து விடுகிறார்கள். இப்படிப் பட்ட கீழ்த்தரமான காட்சிகள் மற்றும் கூச்சல்களுக்குப பழக்கப் பட்ட குழந்தைகள், எவ்வாறு பாரத சனாதனத் தோட்டத்தின் பிரகாசமான, புத்துணர்ச்சி கொண்ட நறுமண மலர்களாக ஆகக் கற்றுக் கொள்ள முடியும்? இப்படிப் பட்ட பல பெற்றோர்கள், அவர்களது குழந்தைகளை பால விகாஸ் வகுப்புகளில் சேருவதையோ அல்லது பஜனைகள் மற்றும் ஸத்ஸங்கங்களில் பங்கேற்பதையோ அனுமதிப்பதில்லை. மதமும், கடவுளும் வெட்டியாக இருப்பவர்கள் மற்றும் தளர்வான முதியோர்களுக்கு மட்டுமே என்றும் தவிர்க்க வேண்டிய பேரழிவான சன்யாசத்திற்கு அவர்களை இட்டுச் சென்று விடும் பாதை என்றும் அவர்கள் கூறுகிறார்கள்! அவர்கள் வாழ்க்கையின் நற்பண்புகளையே பின் நோக்கித் திருப்பி விடுகிறார்கள். அவர்களது குழந்தைகளைத் திருத்த முற்படுவதற்கு முன், பெற்றோர்கள் தங்களை தாங்களே திருத்திக் கொள்ள வேண்டும்.