சூரியன், சந்திரன்,மேகங்கள், கடல் ஆகியவற்றிலிருந்து பாடங்களைக் கற்றுக் கொள்ளுங்கள்- இவை அனைத்தும் ஒருவர் தனது கடமையை, முணுமுணுப்பின்றி ஆற்றுவதன் தலையாய முக்கியத்துவத்தை நமக்கு அளிக்கின்ற தலை சிறந்த ஆசிரியர்கள் ஆவர். மரங்கள், அவைகளை அழிக்கும் நோக்கத்தில் கோடாலியை வைத்து வெட்டுபவரையும் கூடச் சேர்த்து, அனைவருக்கும் தங்களது பழங்களையும், நிழலையும் தருகின்றன! மலைகள், வெப்பம், மழை, புயல் ஆகியவற்றைச் சகித்துக் கொண்டு, காலம் காலமாக தியானத்தில் மூழ்கி இருக்கின்றன. பறவைகள், உணவு அல்லது இருப்பிடத்தின் வசதிகளை வருடக் கணக்கில் பதுக்கி வைப்பதில்லை; தங்களது சந்திகள் மீது அவைகளது வாழ்க்கையின் தேவைக்கு மேல் அதிகமான பாசத்தைப் பொழியாததால், புலம்புவதும் இல்லை. இயற்கையே (ப்ருக்ருதி) உங்களது பள்ளி, உங்களது பரிசோதனைக் கூடம், மோக்ஷத்தின் திறவு வாசல், இறைவனது பலதரப்பட்ட மகத்துவத்தின் பரந்து விரிந்த தோற்றம். அது போதிக்கத் தயாராக உள்ள பாடங்களைத் தெரிந்து கொள்ள விழையுங்கள்; இயற்கையில் உள்ள அனைத்தும் உங்களைப் போலவே தெய்வீகமானவையே (பரப்ரம்மம்)! எனவே, எந்தச் செயலும் தெய்வீகமே; எந்தப் பணியும், தெய்வ ஆராதனையே. அனைத்தும் பரப்ரம்மமே என்ற நம்பிக்கையின் வலுவான அஸ்திவாரத்தின் மீது உங்களது வாழ்க்கை எனும் மாளிகையைக் கட்டுங்கள்.