உணவைப் பரிசாக அளிப்பதை நீங்கள் அன்னதானம் எனக் குறிப்பிடுகிறீர்கள். இறைவன் அளித்ததைத் தானமாகக் கொடுக்கவோ அல்லது அதைப் பற்றிப் பெருமிதம் கொள்ளவோ அல்லது தாங்கள் ஏதோ தானம் செய்து விட்டோம் எனக் கருதவோ கூட, எவருக்கும் அதிகாரம் இல்லை. இறைவன் மழையை அளித்து, பயிரை வளர்த்து, தானியத்தை முற்றச் செய்கிறான்;அதை உங்களது என்று கூறிக்கொண்டு, அதைத் தானம் செய்ய, உங்களுக்கு என்ன அதிகாரம் இருக்கிறது ? நீங்கள் செய்வது தானம் அல்ல;நீங்கள் செய்வது எல்லாம், இறைவனுக்கு நன்றியை அர்ப்பணிப்பது மட்டுமே ! நீங்கள், அறுவடை செய்த தானியத்தை உணவாகச் சமைத்து, மனித உருவில் உள்ள தெய்வங்களுக்கு (நாராயணர்கள்) அர்ப்பணிப்பதன் மூலம் ,அதனைப் புனிதப் படுத்துகிறீர்கள்! எனவே, அதை நாராயண சேவை என்றே அழையுங்கள் ! அதுவே மிகவும் சரியானதாக இருக்கும். இருந்த போதும், நீங்கள் இதை ப்ரேமை மற்றும் பணிவுடனும், ஒரு இறை ஆராதனை என்ற உணர்வோடும் செய்து கொண்டு இருப்பதால், நான் உங்களை ஆசீர்வதிப்பதற்கு வந்துள்ளேன். அனைத்து பொறுப்பையும் ஒரு குழு அல்லது ஆர்வலர்களது குழுவிடமோ ஒப்படைத்து விடாதீர்கள்; முழுமனதோடு அவர்களோடு இணைந்து சுமையைப் பகிர்ந்து கொள்ள முன் வாருங்கள்.